ญาณกถา

Aññāṇe vigate ñāṇavippayutte citte vattamāne na vattabbaṃ ñāṇīti . āmantā . rāge vigate na vattabbaṃ vītarāgoti . na hevaṃ vattabbe .pe. aññāṇe vigate ñāṇavippayutte citte vattamāne na vattabbaṃ ñāṇīti . āmantā . Dose vigate .pe. mohe vigate .pe. kilese vigate na vattabbaṃ nikkilesoti. Na hevaṃ vattabbe .pe.

Rāge vigate vattabbaṃ vītarāgoti . āmantā . Aññāṇe vigate ñāṇavippayutte citte vattamāne vattabbaṃ ñāṇīti . na hevaṃ vattabbe .pe. dose vigate .pe. mohe vigate .pe. kilese vigate vattabbaṃ nikkilesoti . āmantā . Aññāṇe vigate ñāṇavippayutte citte vattamāne vattabbaṃ ñāṇīti . na hevaṃ vattabbe .pe. aññāṇe vigate ñāṇavippayutte citte vattamāne vattabbaṃ ñāṇīti . āmantā . atītena ñāṇena ñāṇī niruddhena vigatena paṭippassaddhena ñāṇena ñāṇīti . Na hevaṃ vattabbe .pe. Ñāṇakathā. --------