อปริยาปันนกถา

Diṭṭhigataṃ apariyāpannanti . āmantā . maggo phalaṃ nibbānaṃ sotāpattimaggo sotāpattiphalaṃ sakadāgāmimaggo sakadāgāmiphalaṃ anāgāmimaggo anāgāmiphalaṃ arahattamaggo arahattaphalaṃ satipaṭṭhānaṃ sammappadhānaṃ iddhipādo indriyaṃ balaṃ bojjhaṅgoti . na hevaṃ vattabbe .pe.

Na vattabbaṃ diṭṭhigataṃ apariyāpannanti . āmantā . Puthujjano kāmesu vītarāgoti vattabboti . āmantā . Vigatadiṭṭhiyoti vattabboti . na hevaṃ vattabbe .pe. tenahi diṭṭhigataṃ apariyāpannanti. Apariyāpannakathā. Cuddasamo vaggo. Tassa uddānaṃ akusalamūlaṃ paṭisandahati kusalamūlaṃ kusalamūlaṃ paṭisandahati akusalamūlaṃ saḷāyatanaṃ chaviññāṇakāyā ariyarūpaṃ mahābhūtānaṃ upādāya sveva anusayo taṃ pariyuṭṭhānaṃ pariyuṭṭhānaṃ cittavippayuttaṃ yathādhātukañceva anuseti diṭṭhigataṃ abyākataṃ diṭṭhigataṃ apariyāpannanti. ------------