รูปังเหตูติกถา

Rūpaṃ hetūti . āmantā . alobho hetūti. Na hevaṃ vattabbe .pe. adoso hetu .pe. amoho hetu lobho hetu doso hetu moho hetūti . na hevaṃ vattabbe .pe. Rūpaṃ hetūti. Āmantā . sārammaṇaṃ atthi tassa āvajjanā .pe. paṇidhīti . Na hevaṃ vattabbe .pe. nanu anārammaṇaṃ natthi tassa āvajjanā .pe. paṇidhīti . āmantā . hañci anārammaṇaṃ natthi tassa āvajjanā .pe. Paṇidhi no vata re vattabbe rūpaṃ hetūti.

Alobho hetu sārammaṇo atthi tassa āvajjanā .pe. paṇidhīti . āmantā . rūpaṃ hetu sārammaṇaṃ atthi tassa āvajjanā .pe. paṇidhīti . na hevaṃ vattabbe .pe. adoso hetu amoho hetu lobho hetu doso hetu moho hetu sārammaṇo atthi tassa āvajjanā .pe. paṇidhīti . āmantā . @Footnote: 1 khu. dha. 43. Rūpaṃ hetu sārammaṇaṃ atthi tassa āvajjanā .pe. paṇidhīti . Na hevaṃ vattabbe .pe.

Rūpaṃ hetu anārammaṇaṃ natthi tassa āvajjanā .pe. Paṇidhīti . āmantā . alobho hetu anārammaṇo natthi tassa āvajjanā .pe. paṇidhīti . na hevaṃ vattabbe .pe. rūpaṃ hetu anārammaṇaṃ natthi tassa āvajjanā .pe. paṇidhīti . āmantā . Adoso hetu amoho hetu lobho hetu doso hetu moho hetu anārammaṇo natthi tassa āvajjanā .pe. paṇidhīti . Na hevaṃ vattabbe .pe.

Na vattabbaṃ rūpaṃ hetūti . āmantā . Nanu mahābhūtā upādāyarūpānaṃ upādāyahetūti . āmantā . hañci mahābhūtā upādāyarūpānaṃ upādāyahetu tena vata re vattabbe rūpaṃ hetūti. Rūpaṃhetūtikathā. ------------