สัญโญชนกถา

Atthi kiñci saññojanaṃ appahāya arahattappattīti . Āmantā . atthi kiñci sakkāyadiṭṭhiṃ appahāya .pe. vicikicchaṃ appahāya .pe. sīlabbataparāmāsaṃ appahāya rāgaṃ appahāya dosaṃ appahāya mohaṃ appahāya .pe. anottappaṃ appahāya arahattappattīti. Na hevaṃ vattabbe .pe.

Atthi kiñci saññojanaṃ appahāya arahattappatīti . Āmantā . arahā sarāgo sadoso samoho samāno samakkho sapaḷāso saupāyāso sakilesoti . na hevaṃ vattabbe .pe. Nanu arahā nīrāgo niddoso nimmoho nimmāno nimmakkho nippaḷāso nirupāyāso nikkilesoti . āmantā . hañci arahā nīrāgo .pe. nikkileso no vata re vattabbe atthi kiñci saññojanaṃ appahāya arahattappattīti.

Na vattabbaṃ atthi kiñci saññojanaṃ appahāya arahattappattīti. Āmantā . arahā sabbaṃ buddhavisayaṃ jānātīti . Na hevaṃ vattabbe .pe. tena hi atthi kiñci saññojanaṃ appahāya arahattappattīti. Saññojanakathā. -----------