ปฏิจจวาร

อาสวญฺเจวอาสวสมฺปยุตฺตญฺจ ธมฺมํ ปฏิจฺจ อาสโวเจวอาสวสมฺปยุตฺโตจ ธมฺโม อุปฺปชฺชติ เหตุปจฺจยา: กามาสวํ ปฏิจฺจ ทิฏฺฐาสโว อวิชฺชาสโว จกฺกํ พนฺธิตพฺพํ ภวาสวํ ปฏิจฺจ อวิชฺชาสโว จกฺกํ ทิฏฺฐาสวํ ปฏิจฺจ อวิชฺชาสโว ฯ อาสวญฺเจวอาสวสมฺปยุตฺตญฺจ ธมฺมํ ปฏิจฺจ อาสวสมฺปยุตฺโตเจวโนจอาสโว ธมฺโม อุปฺปชฺชติ เหตุปจฺจยา: อาสเว ปฏิจฺจ สมฺปยุตฺตกา ขนฺธา ฯ อาสวญฺเจวอาสวสมฺปยุตฺตญฺจ ธมฺมํ ปฏิจฺจ อาสโวเจวอาสวสมฺปยุตฺโตจ อาสวสมฺปยุตฺโตเจวโนจอาสโว จ ธมฺมา อุปฺปชฺชนฺติ เหตุปจฺจยา: อาสวสมฺปยุตฺตํ กามาสวํ ปฏิจฺจ ทิฏฺฐาสโว อวิชฺชาสโว สมฺปยุตฺตกา จ ขนฺธา สพฺพํ จกฺกํ ฯ อาสวสมฺปยุตฺตญฺเจวโนจอาสวํ ธมฺมํ ปฏิจฺจ อาสวสมฺปยุตฺโตเจวโนจอาสโว ธมฺโม อุปฺปชฺชติ เหตุปจฺจยา: อาสวสมฺปยุตฺตญฺเจวโนจอาสวํ เอกํ ขนฺธํ ปฏิจฺจ ตโย ขนฺธา เทฺว ขนฺเธ ... ฯ อาสวสมฺปยุตฺตญฺเจวโนจอาสวํ ธมฺมํ ปฏิจฺจ อาสโวเจวอาสวสมฺปยุตฺโตจ ธมฺโม อุปฺปชฺชติ เหตุปจฺจยา: อาสวสมฺปยุตฺเตเจวโนจอาสเว ขนฺเธ ปฏิจฺจ อาสวา ฯ อาสวสมฺปยุตฺตญฺเจวโนจอาสวํ ธมฺมํ ปฏิจฺจ อาสโวเจวอาสวสมฺปยุตฺโตจ อาสวสมฺปยุตฺโตเจวโนจอาสโว จ ธมฺมา อุปฺปชฺชนฺติ เหตุปจฺจยา: อาสวสมฺปยุตฺตญฺเจวโนจอาสวํ เอกํ ขนฺธํ ปฏิจฺจ ตโย ขนฺธา อาสวา จ เทฺว ขนฺเธ ... ฯ อาสวญฺเจวอาสวสมฺปยุตฺตญฺจ อาสวสมฺปยุตฺตญฺเจวโนจอาสวญฺจ ธมฺมํ ปฏิจฺจ อาสโวเจวอาสวสมฺปยุตฺโตจ ธมฺโม อุปฺปชฺชติ เหตุปจฺจยา: กามาสวญฺจ สมฺปยุตฺตเก จ ขนฺเธ ปฏิจฺจ ทิฏฺฐาสโว อวิชฺชาสโว สพฺพํ จกฺกํ ฯ อาสวญฺเจวอาสวสมฺปยุตฺตญฺจ อาสวสมฺปยุตฺตญฺเจวโนจอาสวญฺจ ธมฺมํ ปฏิจฺจ อาสวสมฺปยุตฺโตเจวโนจอาสโว ธมฺโม อุปฺปชฺชติ เหตุปจฺจยา: อาสวสมฺปยุตฺตญฺเจวโนจอาสวํ เอกํ ขนฺธญฺจ อาสเว จ ปฏิจฺจ ตโย ขนฺธา เทฺว ขนฺเธ ... ฯ อาสวญฺเจวอาสวสมฺปยุตฺตญฺจ อาสวสมฺปยุตฺตญฺเจวโนจอาสวญฺจ ธมฺมํ ปฏิจฺจ อาสโวเจวอาสวสมฺปยุตฺโตจ อาสวสมฺปยุตฺโตเจวโนจอาสโว จ ธมฺมา อุปฺปชฺชนฺติ เหตุปจฺจยา: อาสวสมฺปยุตฺตญฺเจวโนจอาสวํ เอกํ ขนฺธญฺจ กามาสวญฺจ ปฏิจฺจ ตโย ขนฺธา ทิฏฺฐาสโว อวิชฺชาสโว เทฺว ขนฺเธ ... จกฺกํ ฯ เอวํ สพฺเพ ปจฺจยา กาตพฺพา ฯ

เหตุยา นว อารมฺมเณ นว อธิปติยา นว สพฺพตฺถ นว ฯ สงฺขิตฺตํ ฯ กมฺเม นว วิปากํ นตฺถิ อาหาเร นว อวิคเต นว ฯ

อาสวญฺเจวอาสวสมฺปยุตฺตญฺจ ธมฺมํ ปฏิจฺจ อาสโวเจวอาสวสมฺปยุตฺโตจ ธมฺโม อุปฺปชฺชติ นอธิปติปจฺจยา: นเหตุมูลกํ นตฺถิ ฯ นปุเรชาตปจฺจยา: นปจฺฉาชาตปจฺจยา: ฯ สงฺขิตฺตํ ฯ

นอธิปติยา นว นปุเรชาเต นว นปจฺฉาชาเต นว นอาเสวเน นว นกมฺเม ตีณิ นวิปาเก นว นวิปฺปยุตฺเต นว ฯ เอวํ อิตเร เทฺว คณนาปิ สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปริปุณฺณา ปฏิจฺจสทิสา ฯ ปญฺหาวาโร