ปฏิจจวาร

Saññojanañcevasaññojanasampayuttañca dhammaṃ paṭicca saññojanocevasaññojanasampayuttoca dhammo uppajjati hetupaccayā: kāmarāgasaññojanaṃ paṭicca diṭṭhisaññojanaṃ avijjāsaññojanaṃ . Saññojanañcevasaññojanasampayuttañca dhammaṃ paṭicca saññojanasampayuttocevanocasaññojano dhammo uppajjati hetupaccayā: saññojane paṭicca sampayuttakā khandhā . saññojanañcevasaññojanasampayuttañca Dhammaṃ paṭicca saññojanocevasaññojanasampayuttoca saññojanasampayuttocevanocasaññojano ca dhammā uppajjanti hetupaccayā: kāmarāgasaññojanaṃ paṭicca diṭṭhisaññojanaṃ avijjāsaññojanaṃ sampayuttakā ca khandhā. {483.1} Saññojanasampayuttañcevanocasaññojanaṃ dhammaṃ paṭicca saññojanasampayuttocevanocasaññojano dhammo uppajjati hetupaccayā: saññojanasampayuttañcevanocasaññojanaṃ ekaṃ khandhaṃ paṭicca tayo khandhā dve khandhe ... . saññojanasampayuttañcevanocasaññojanaṃ dhammaṃ paṭicca saññojanocevasaññojanasampayuttoca dhammo uppajjati hetupaccayā: saññojanasampayuttecevanocasaññojane khandhe paṭicca saññojanā. {483.2} Saññojanasampayuttañcevanocasaññojanaṃ dhammaṃ paṭicca saññojanocevasaññojanasampayuttoca saññojanasampayuttoceva- nocasaññojano ca dhammā uppajjanti hetupaccayā: saññojana- sampayuttañcevanocasaññojanaṃ ekaṃ khandhaṃ paṭicca tayo khandhā saññojanā ca dve khandhe ... . saññojanañcevasaññojanasampayuttañca saññojanasampayuttañcevanocasaññojanañca dhammaṃ paṭicca saññojanocevasaññojanasampayuttoca dhammo uppajjati hetupaccayā: kāmarāgasaññojanañca sampayuttake ca khandhe paṭicca diṭṭhisaññojanaṃ avijjāsaññojanaṃ cakkaṃ. {483.3} Saññojanañcevasaññojanasampayuttañca saññojana- sampayuttañcevanocasaññojanañca dhammaṃ paṭicca Saññojanasampayuttocevanocasaññojano dhammo uppajjati hetupaccayā: saññojanasampayuttañcevanocasaññojanaṃ ekaṃ khandhañca saññojane ca paṭicca tayo khandhā dve khandhe .... Saññojanañcevasaññojanasampayuttañca saññojanasampayuttañcevanocasaññojanañca dhammaṃ paṭicca saññojanocevasaññojanasampayuttoca saññojanasampayuttoceva- nocasaññojano ca dhammā uppajjanti hetupaccayā: saññojanasampayuttañcevanocasaññojanaṃ ekaṃ khandhañca kāmarāgasaññojanañca paṭicca tayo khandhā diṭṭhisaññojanaṃ avijjāsaññojanaṃ dve khandhe ... Cakkaṃ.

Hetuyā nava ārammaṇe nava adhipatiyā nava sabbattha nava kamme nava āhāre nava avigate nava.

Saññojanañcevasaññojanasampayuttañca dhammaṃ paṭicca saññojanocevasaññojanasampayuttoca dhammo uppajjati nahetupaccayā: vicikicchāsaññojanaṃ paṭicca avijjāsaññojanaṃ . saññojanasampayuttañceva- nocasaññojanaṃ dhammaṃ paṭicca saññojanocevasaññojanasampayuttoca dhammo uppajjati nahetupaccayā: vicikicchāsahagate khandhe paṭicca vicikicchāsahagato moho . saññojanañcevasaññojana- sampayuttañca saññojanasampayuttañcevanocasaññojanañca dhammaṃ paṭicca saññojanocevasaññojanasampayuttoca dhammo uppajjati nahetupaccayā: vicikicchāsaññojanañca sampayuttake ca khandhe Paṭicca avijjāsaññojanaṃ.

Nahetuyā tīṇi naadhipatiyā nava napurejāte nava napacchājāte nava naāsevane nava nakamme tīṇi navipāke nava navippayutte nava. Evaṃ itare dve gaṇanāpi sahajātavāropi kātabbo paccayavāropi nissayavāropi saṃsaṭṭhavāropi sampayuttavāropi paṭiccavārasadisā.