ปีติตติกสรณทุกะ

Pītisahagataṃ saraṇaṃ dhammaṃ paṭicca pītisahagato saraṇo dhammo uppajjati hetupaccayā: tīṇi . sukhasahagataṃ saraṇaṃ dhammaṃ paṭicca sukhasahagato saraṇo dhammo uppajjati hetupaccayā: tīṇi . Upekkhāsahagataṃ saraṇaṃ dhammaṃ paṭicca upekkhāsahagato saraṇo dhammo uppajjati hetupaccayā: . pītisahagataṃ saraṇañca sukhasahagataṃ saraṇañca dhammaṃ paṭicca pītisahagato saraṇo dhammo uppajjati hetupaccayā: tīṇi.

Hetuyā dasa avigate dasa. Sahajātavāropi sampayuttavāropi paṭiccavārasadisā.

Pītisahagato saraṇo dhammo pītisahagatassa saraṇassa dhammassa hetupaccayena paccayo: tīṇi . sukhasahagato saraṇo dhammo sukhasahagatassa saraṇassa dhammassa hetupaccayena paccayo: tīṇi . upekkhāsahagato saraṇo dhammo upekkhāsahagatassa saraṇassa Dhammassa hetupaccayena paccayo: ekaṃ . pītisahagato saraṇo ca sukhasahagato saraṇo ca dhammā pītisahagatassa saraṇassa dhammassa hetupaccayena paccayo: tīṇi.

Hetuyā dasa ārammaṇe soḷasa avigate dasa. Yathā kusalattike pañhāvārampi evaṃ vitthāretabbaṃ.

Pītisahagataṃ araṇaṃ dhammaṃ paṭicca pītisahagato araṇo dhammo uppajjati hetupaccayā:.

Hetuyā dasa avigate dasa. Sahajātavārepi pañhāvārepi tattakāva pañhā. Pītittikasaraṇadukaṃ niṭṭhitaṃ. -------------