เสกขัตติกสรณทุกะ

เนวเสกฺขานาเสกฺขํ สรณํ ธมฺมํ ปฏิจฺจ เนวเสกฺขานาเสกฺโข สรโณ ธมฺโม อุปฺปชฺชติ เหตุปจฺจยา: ฯ

เหตุยา เอกํ อวิคเต เอกํ ฯ สหชาตวาเรปิ ปญฺหาวาเรปิ สพฺพตฺถ เอกํ ฯ

เสกฺขํ อรณํ ธมฺมํ ปฏิจฺจ เสกฺโข อรโณ ธมฺโม อุปฺปชฺชติ เหตุปจฺจยา: เสกฺขํ อรณํ ธมฺมํ ปฏิจฺจ เนวเสกฺขานาเสกฺโข อรโณ ธมฺโม อุปฺปชฺชติ เหตุปจฺจยา: เสกฺขํ อรณํ ธมฺมํ ปฏิจฺจ เสกฺโข อรโณ จ เนวเสกฺขานาเสกฺโข อรโณ จ ธมฺมา อุปฺปชฺชนฺติ เหตุปจฺจยา: ฯ อเสกฺขํ อรณํ ธมฺมํ ปฏิจฺจ อเสกฺโข อรโณ ธมฺโม อุปฺปชฺชติ เหตุปจฺจยา: ตีณิ ฯ เนวเสกฺขานาเสกฺขํ อรณํ ธมฺมํ ปฏิจฺจ เนวเสกฺขานาเสกฺโข อรโณ ธมฺโม อุปฺปชฺชติ เหตุปจฺจยา: ฯ

เหตุยา นว อารมฺมเณ ตีณิ อวิคเต นว ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

เสกฺโข อรโณ ธมฺโม เสกฺขสฺส อรณสฺส ธมฺมสฺส เหตุปจฺจเยน ปจฺจโย: ตีณิ ฯ อเสกฺโข อรโณ ธมฺโม อเสกฺขสฺส อรณสฺส ธมฺมสฺส เหตุปจฺจเยน ปจฺจโย: ตีณิ ฯ เนวเสกฺขานาเสกฺโข อรโณ ธมฺโม เนวเสกฺขานาเสกฺขสฺส อรณสฺส ธมฺมสฺส เหตุปจฺจเยน ปจฺจโย: ฯ

เหตุยา สตฺต อารมฺมเณ ปญฺจ อธิปติยา นว อนนฺตเร อฏฺฐ อวิคเต เตรส ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ เสกฺขตฺติกสรณทุกํ นิฏฺฐิตํ ฯ _______________ ปริตฺตตฺติกสรณทุกํ