กุสลัตติกปีติตติกะ

กุสลํ ปีติสหคตํ ธมฺมํ ปฏิจฺจ กุสโล ปีติสหคโต ธมฺโม อุปฺปชฺชติ เหตุปจฺจยา: ฯ อกุสลํ ปีติสหคตํ ธมฺมํ ปฏิจฺจ อกุสโล ปีติสหคโต ธมฺโม อุปฺปชฺชติ เหตุปจฺจยา: ฯ อพฺยากตํ ปีติสหคตํ ธมฺมํ ปฏิจฺจ อพฺยากโต ปีติสหคโต ธมฺโม อุปฺปชฺชติ เหตุปจฺจยา: ฯ

เหตุยา ตีณิ อารมฺมเณ ตีณิ อวิคเต ตีณิ ฯ สหชาตวารมฺปิ สมฺปยุตฺตวารมฺปิ ปฏิจฺจวารสทิสํ ฯ

กุสโล ปีติสหคโต ธมฺโม กุสลสฺส ปีติสหคตสฺส ธมฺมสฺส เหตุปจฺจเยน ปจฺจโย: ฯ อกุสโล ปีติสหคโต ธมฺโม อกุสลสฺส ปีติสหคตสฺส ธมฺมสฺส เหตุปจฺจเยน ปจฺจโย: ฯ อพฺยากโต ปีติสหคโต ธมฺโม อพฺยากตสฺส ปีติสหคตสฺส ธมฺมสฺส เหตุปจฺจเยน ปจฺจโย: ฯ

เหตุยา ตีณิ อารมฺมเณ นว อธิปติยา สตฺต อนนฺตเร ปญฺจ อวิคเต ตีณิ ฯ ยถา กุสลตฺติเก ปญฺหาวารํ เอวํ วิตฺถาเรตพฺพํ ฯ

กุสลํ สุขสหคตํ ธมฺมํ ปฏิจฺจ กุสโล สุขสหคโต ธมฺโม อุปฺปชฺชติ เหตุปจฺจยา: ฯ อกุสลํ สุขสหคตํ ธมฺมํ ปฏิจฺจ อกุสโล สุขสหคโต ธมฺโม อุปฺปชฺชติ เหตุปจฺจยา: ฯ อพฺยากตํ สุขสหคตํ ธมฺมํ ปฏิจฺจ อพฺยากโต สุขสหคโต ธมฺโม อุปฺปชฺชติ เหตุปจฺจยา: ฯ

เหตุยา ตีณิ อารมฺมเณ ตีณิ อวิคเต ตีณิ ฯ สหชาตวารมฺปิ ปญฺหาวารมฺปิ วิตฺถาเรตพฺพํ ฯ

กุสลํ อุเปกฺขาสหคตํ ธมฺมํ ปฏิจฺจ กุสโล อุเปกฺขาสหคโต ธมฺโม อุปฺปชฺชติ เหตุปจฺจยา: ฯ อกุสลํ อุเปกฺขาสหคตํ ธมฺมํ ปฏิจฺจ อกุสโล อุเปกฺขาสหคโต ธมฺโม อุปฺปชฺชติ เหตุปจฺจยา: ฯ อพฺยากตํ อุเปกฺขาสหคตํ ธมฺมํ ปฏิจฺจ อพฺยากโต อุเปกฺขาสหคโต ธมฺโม อุปฺปชฺชติ เหตุปจฺจยา: ฯ

เหตุยา ตีณิ อวิคเต ตีณิ ฯ สหชาตวารมฺปิ ปญฺหาวารมฺปิ วิตฺถาเรตพฺพํ ฯ กุสลตฺติกปีติตฺติกํ นิฏฺฐิตํ ฯ ______________ กุสลตฺติกทสฺสนตฺติกํ