กิเลสทุกกุสลัตติกะ

Nokilesaṃ kusalaṃ dhammaṃ paṭicca nokileso kusalo dhammo uppajjati hetupaccayā:.

Hetuyā ekaṃ ārammaṇe ekaṃ avigate ekaṃ. Sahajātavārepi pañhāvārepi sabbattha ekaṃ. -------- Paṭiccavāro

Kilesaṃ akusalaṃ dhammaṃ paṭicca kileso akusalo dhammo uppajjati hetupaccayā: tīṇi . nokilesaṃ akusalaṃ dhammaṃ paṭicca nokileso akusalo dhammo uppajjati hetupaccayā: tīṇi . kilesaṃ akusalañca nokilesaṃ akusalañca dhammaṃ paṭicca kileso akusalo dhammo uppajjati hetupaccayā: tīṇi.

Hetuyā nava ārammaṇe nava sabbattha nava avigate nava.

Kilesaṃ akusalaṃ dhammaṃ paṭicca kileso akusalo dhammo uppajjati nahetupaccayā: vicikicchaṃ paṭicca vicikicchāsahagato moho uddhaccaṃ paṭicca uddhaccasahagato moho . nokilesaṃ akusalaṃ dhammaṃ paṭicca kileso akusalo dhammo uppajjati nahetupaccayā: Vicikicchāsahagate khandhe paṭicca vicikicchāsahagato moho uddhaccasahagate khandhe paṭicca uddhaccasahagato moho . kilesaṃ akusalañca nokilesaṃ akusalañca dhammaṃ paṭicca kileso akusalo dhammo uppajjati nahetupaccayā: vicikicchāsahagate khandhe ca vicikicchañca paṭicca vicikicchāsahagato moho uddhaccasahagate khandhe ca uddhaccañca paṭicca uddhaccasahagato moho.

Nahetuyā tīṇi naadhipatiyā nava napurejāte nava napacchājāte nava naāsevane nava nakamme tīṇi navipāke nava navippayutte nava. Sahajātavārādi vitthāretabbaṃ. Pañhāvāro

Kileso akusalo dhammo kilesassa akusalassa dhammassa hetupaccayena paccayo:.

Hetuyā tīṇi ārammaṇe nava . adhipatiyā nava: majjhe tīṇi sahajātādhipati . anantare nava samanantare nava .pe. Upanissaye nava āsevane nava kamme tīṇi āhāre tīṇi indriye tīṇi jhāne tīṇi magge nava sampayutte nava. --------- Paṭiccavāro

Nokilesaṃ abyākataṃ dhammaṃ paṭicca nokileso Abyākato dhammo uppajjati hetupaccayā:.

Hetuyā ekaṃ ārammaṇe ekaṃ avigate ekaṃ. Sahajātavārepi pañhāvārepi sabbattha ekaṃ. Kilesadukakusalattikaṃ niṭṭhitaṃ. -------- Saṅkilesikadukakusalattikaṃ