๗. สุทธิกสูตร

7. Suddhikasuttavaṇṇanā

Sattame suddhikabhāradvājoti ayaṃpi bhāradvājova, suddhikapañhassa pana pucchitattā saṅgītikārehi evaṃ vutto. Sīlavāpi tapokaranti sīlasampannopi tapokammaṃ karonto. Vijjācaraṇasampannoti ettha vijjāti tayo vedā. Caraṇanti gottacaraṇaṃ. So sujjhati na aññā itarā pajāti so tevijjo brāhmaṇo sujjhati, ayaṃ pana añāṇamitapajā 1- na sujjhatīti vadati. Bahumpi palapaṃ jappanti bahuṃpi palapaṃ jappanto, "brāhmaṇova sujjhatī"ti evaṃ vacanasahassaṃpi bhaṇantoti attho. Anto kasambūti anto kilesapūtisabhāvena pūtiko. Saṅkiliṭṭhoti kiliṭṭhehi kāyakammādīhi samannāgato. Sattamaṃ.