๙. วัชชีปุตตสูตร

Ekaṃ samayaṃ aññataro vajjīputtako bhikkhu vesāliyaṃ viharati aññatarasmiṃ vanasaṇḍe . tena kho pana samayena [1]- vesāliyaṃ sabbarattivāro 2- hoti.

Atha kho so bhikkhu vesāliyaṃ turiya tāḷita vāditanigghosasaddaṃ @Footnote: 1 Ma. etthantare vajjiputtakoti atthi. 2 Ma. Yu. A. sabbaratticāro. Sutvā paridevamāno tāyaṃ velāyaṃ imaṃ gāthaṃ abhāsi ekakā mayaṃ araññe viharāma apaviṭṭhaṃva 1- vanasmiṃ dārukaṃ etādisikāya rattiyā ko su nāmamhehi pāpiyoti.

Atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yena so bhikkhu tenupasaṅkami upasaṅkamitvā taṃ bhikkhuṃ gāthāya ajjhabhāsi ekakova tvaṃ araññe viharasi apaviṭṭhaṃva vanasmiṃ dārukaṃ tassa te bahukā pihayanti nerayikā viya saggagāminanti. Atha kho so bhikkhu tāya devatāya saṃvejito saṃvegamāpādīti.