๑. รโหคตสูตร

2. Rahogatavagga

1. Rahogatasuttavaṇṇanā

Rahogatavaggassa paṭhame yaṅkiñci vedayitaṃ, taṃ dukkhasminti yaṅkiñci vedayitaṃ, taṃ sabbaṃ dukkhanti attho. Saṅkhārānaṃyeva aniccatantiādīsu yā esā saṅkhārānaṃ aniccatā khayadhammatā vayadhammatā vipariṇāmadhammatā, etaṃ sandhāya yaṅkiñci vedayitaṃ, taṃ dukkhanti mayā bhāsitanti dīpeti. Yā hi

@Footnote: 1 cha.Ma. ninnānākaraṇaṃ Saṅkhārānaṃ aniccatā, vedanānampi sā aniccatāva. Aniccatā ca nāmesā maraṇaṃ, maraṇato uttariṃ dukkhaṃ nāma natthīti iminā adhippāyena sabbavedanā dukkhāti vuttā. Athakho pana bhikkhu mayāti idaṃ na kevalaṃ ahaṃ vedanānaṃyeva nirodhaṃ paññāpemi, imesampi dhammānaṃ nirodhaṃ paññāpemīti dassanatthaṃ āraddhaṃ. Vūpasamo ca passaddhiyo ca evarūpāya desanāya bujjhanakānaṃ ajjhāsayena vuttā. Saññāvedayitanirodhaggahaṇena cettha cattāro āruppā gahitāva hontīti veditabbā.