สุปุพพัณหสูตร

๑๐. ปุพฺพณฺหสุตฺตวณฺณนา

ทสเม สุนกฺขตฺตนฺติอาทีสุ ยสฺมึ ทิวเส ตโย สุจริตธมฺมา ปูริตา โหนฺติ, โส ทิวโส ลทฺธนกฺขตฺตโยโค นาม, เตนสฺส สทา สุนกฺขตฺตํ นาม โหตีติ วุจฺจติ. เสฺวว ทิวโส กตมงฺคโล นาม โหติ, เตนสฺส สทา สุมงฺคลนฺติ วุจฺจติ. ปภาตมฺปิสฺส สทา สุปฺปภาตเมว. สยนโต อุฏฺฐานํปิ สุหุฏฺฐิตเมว, ๕- ขโณปิ สุกฺขโณว, มุหุตฺโตปิ สุมุหุตฺโตว. เอตฺถ จ ทสจฺฉรปฺปมาโณ กาโล ขโณ นาม, เตน ขเณน ทสกฺขโณ กาโล ลโย นาม, เตน ลเยน จ ทสลโย กาโล

@เชิงอรรถ: ๑ ฉ.ม. สมฺมาทิฏฺฐิยา ๒ ฉ.ม. อปกฺขลเนน

@๓ ฉ.ม. คูถสทิเสน อปริสุทฺเธน อเมชฺเฌน

@๔ ฉ.ม. อุตฺตานาเนว ๕ สี. สุวุฏฺฐิตเมว ขณลโย นาม, เตน ทสคุโณ มุหุตฺโต นาม, เตน มุหุตฺเตน ๑- ทสคุโณ ขณมุหุตฺโต นามาติ อยํ วิภาโค เวทิตพฺโพ. สุยิฏฺฐํ พฺรหฺมจาริสูติ ยสฺมึ ทิวเส ตีณิ สุจริตานิ ปูริตานิ, ตทาสฺส เสฏฺฐจารีสุ ทินฺนทานํ สุยิฏฺฐํ นาม โหติ. ปทกฺขิณํ กายกมฺมนฺติ ตํ ทิวสํ เตน กตํ กายกมฺมํ วฑฺฒิกายกมฺมํ นาม โหติ. เสสปเทสุปิ เอเสว นโย. ปทกฺขิณานิ กตฺวานาติ วฑฺฒิยุตฺตานิ กายกมฺมาทีนิ กตฺวา. ลภนฺตตฺเถ ปทกฺขิเณติ ปทกฺขิเณ วฑฺฒิอตฺเถเยว ลภนฺติ. เสสเมตฺถ อุตฺตานเมวาติ. ๒-

มงฺคลวคฺโค ปญฺจโม.

ตติยปณฺณาสโก นิฏฺฐิโต.

@เชิงอรรถ: ๑ ฉ.ม. อยํ ปาโฐ น ทิสฺสติ ๒ ฉ.ม. เสสํ อุตฺตานเมวาติ