สุปุพพัณหสูตร

๑๕๖ เย ภิกฺขเว สตฺตา ปุพฺพณฺหสมยํ กาเยน สุจริตํ #๑ โป. ม. วิยตฺโต ฯ ยุ. วฺยตฺโต ฯ อิโต ปรํ อีทิสเมว ฯ จรนฺติ วาจาย สุจริตํ จรนฺติ มนสา สุจริตํ จรนฺติ สุปุพฺพโณฺห ภิกฺขเว เตสํ สตฺตานํ เย ภิกฺขเว สตฺตา มชฺฌนฺติกสมยํ กาเยน สุจริตํ จรนฺติ วาจาย สุจริตํ จรนฺติ มนสา สุจริตํ จรนฺติ สุมชฺฌนฺติโก ภิกฺขเว เตสํ สตฺตานํ เย ภิกฺขเว สตฺตา สายณฺหสมยํ กาเยน สุจริตํ จรนฺติ วาจาย สุจริตํ จรนฺติ มนสา สุจริตํ จรนฺติ สุสายโณฺห ภิกฺขเว เตสํ สตฺตานนฺติ ฯ สุนกฺขตฺตํ สุมงฺคลํ สุปภาตํ สุหุฏฺฐิตํ ๑ สุขโณ สุมุหุตฺโต จ สุยิฏฺฐํ พฺรหฺมจาริสุ ปทกฺขิณํ กายกมฺมํ วาจากมฺมํ ปทกฺขิณํ ปทกฺขิณํ มโนกมฺมํ ปณิธิ ๒ เต ปทกฺขิณา ๓ ปทกฺขิณานิ กตฺวาน ลภนฺตตฺเถ ปทกฺขิเณ ฯ เต อตฺถลทฺธา สุขิตา วิรูฬฺหา พุทฺธสาสเน อโรคา สุขิตา โหถ สห สพฺเพหิ ญาติภีติ ฯ มงฺคลวคฺโค ปญฺจโม ฯ ตสฺสุทฺทานํ อกุสลญฺจ สาวชฺชํ วิสมาสุจินา สห จตุกฺขตา จ วนฺทนา สุปุพฺพเณฺหน เต ทสาติ ฯ ____________ ตติโย ปณฺณาสโก สมตฺโต ฯ #๑ ยุ. สุวุฏฺฐิโต ฯ ๒ ยุ. ปณิธิโย ฯ ๓ ม. ปทกฺขิเณ ฯ ปณฺณาสกาสงฺคหิตา สุตฺตนฺตา