สนิมิตตวรรค

8. 3. Sanimittavaggavaṇṇanā

[78-79] Tatiyassa paṭhame sanimittāti sakāraṇā. Dutiyādīsupi eseva nayo. Nidānahetusaṅkhārapaccayarūpanti sabbānipi hi etāni kāraṇavevacanāneva.

Sattame savedanāti paccayabhūtāya sampayuttavedanāya satiyeva uppajjanti, nāsatīti attho. Aṭṭhamanavamesupi eseva nayo.

Dasame saṅkhatārammaṇāti paccayanibbattaṃ saṅkhatadhammaṃ 1- ārammaṇaṃ katvāva uppajjanti. No asaṅkhatārammaṇāti asaṅkhataṃ pana nibbānaṃ ārabbha na uppajjanti. Na hontīti maggakkhaṇe na honti nāma, phale patte nāhesunti. Evametesu 2- dasasu ṭhānesu yāva arahattā desanā desitāti.

Sanimittavaggo tatiyo.