ทานวรรค

๑๓. ๓. ทานวคฺควณฺณนา

ตติยสฺส ปฐเม ทานานีติ ทานาทีนํ ๕- ทิยฺยนกวเสน ทานานิ, เทยฺยธมฺมสฺเสตํ นามํ. สวตฺถุกา วา เจตนา ทานํ, สมฺปตฺติปริจฺจาคสฺเสตํ นามํ. อามิสทานนฺติ จตฺตาโร ปจฺจยา ทิยฺยนกวเสน อามิสทานํ นาม. ธมฺมทานฺติ อิเธกจฺโจ อมตุปฺปตฺติปฏิปทํ ๖- กเถตฺวา เทติ, อิทํ ธมฺมทานํ นาม.

@เชิงอรรถ: ๑ ฉ.ม.,อิ. ปฏิปชฺชมาโน ๒ สี.,อิ. ภูตวาลิกเสฏฺฐิปุตฺโต ๓ ม. นปฺปฏิคฺคณฺหาติ

@๔ ฉ.ม.,อิ. ทสเมกาทสมานิ อุตฺตานตฺถาเนวาติ ๕ ฉ.ม. อยํ ปาโฐ น ทิสฺสติ

@๖ ฉ.ม. อมตปตฺติปฏิปทํ

ทุติเย จตฺตาโร ปจฺจยา ยชนกวเสน ยาโค นาม, ธมฺโมปิ ยชนกวเสน ยาโคติ เวทิตพฺโพ.

ตติเย อามิสสฺส จชนํ อามิสจาโค, ธมฺมสฺส จชนํ ธมฺมจาโค. จตุตฺเถ อุปสคฺคมตฺตํ วิเสโส.

ปญฺจเม จตุนฺนํ ปจฺจยานํ ภุญฺชนํ อามิสโภโค, ธมฺมสฺส ภุญฺชนํ ธมฺมโภโค. ฉฏฺเฐ อุปสคฺคมตฺตํ วิเสโส.

สตฺตเม จตุนฺนํ ปจฺจยานํ สํวิภชนํ อามิสสํวิภาโค, ธมฺมสฺส สํวิภชนํ ธมฺมสํวิภาโค.

อฏฺฐเม จตูหิ ปจฺจเยหิ สงฺคโห อามิสสงฺคโห, ธมฺเมน สงฺคโห ธมฺมสงฺคโห.

นวเม จตูหิ ปจฺจเยหิ อนุคฺคณฺหนํ อามิสานุคฺคโห, ธมฺเมน อนุคฺคณฺหนํ ธมฺมานุคฺคโห.

ทสเม จตูหิ ปจฺจเยหิ อนุกมฺปนํ อามิสานุกมฺปา, ธมฺเมน อนุกมฺปนํ ธมฺมานุกมฺปาติ.

ทานวคฺโค ตติโย.