วรรคที่ ๔

๔. อทนฺตวคฺควณฺณนา

จตุตฺถสฺส ปฐเม อทนฺตนฺติ สวิเสวนํ อทนฺตหตฺถิอสฺสาทิสทิสํ. จิตฺตนฺติ วฏฺฏวเสน อุปฺปนฺนจิตฺตเมว.

ทุติเย ทนฺตนฺติ นิพฺพิเสวนํ ทนฺตหตฺถิอสฺสาทิสทิสํ. อิมสฺมึ สุตฺตทฺวเย วฏฺฏวิวฏฺฏวเสน อุปฺปนฺนจิตฺตเมว กถิตํ. ยถา เจตฺถ, เอวํ อิโต ปเรสุปีติ.

ตติเย อคุตฺตนฺติ อโคปิตํ สติสํวรรหิตํ อคุตฺตหตฺถิอสฺสาทิสทิสํ.

จตุตฺเถ คุตฺตนฺติ โคปิตํ อวิสฺสฏฺฐสติสํวรํ คุตฺตหตฺถิอสฺสาทิสทิสํ.

[๓๕-๓๖] ปญฺจมฉฏฺฐานิ อรกฺขิตํ รกฺขิตนฺติ ๑- ปทวเสน พุชฺฌนกานํ อชฺฌาสเยน วุตฺตานิ. อตฺโถ ปเนตฺถ ปุริมสทิโสเยว.

[๓๗-๓๘] สตฺตอฏฺฐเมสุปิ เอเสว นโย. อุปมา ปเนตฺถ อสํวุตฆรทฺวาราทิวเสน เวทิตพฺพา.

[๓๙-๔๐] นวมทสมานิ จตูหิปิ ปเทหิ โยเชตฺวา วุตฺตานิ. อิมสฺมึ วคฺเค วฏฺฏวิวฏฺฏเมว กถิตนฺติ.

อทนฺตวคฺควณฺณนา นิฏฺฐิตา.

จตุตฺโถ วคฺโค.

@เชิงอรรถ: ๑ ก. เอกเมว "อรกฺขิตํ"อิติ ปทํ ทิสฺสติ