วรรคที่ ๔

4. Adantavaggavaṇṇanā

Catutthassa paṭhame adantanti savisevanaṃ adantahatthiassādisadisaṃ. Cittanti vaṭṭavasena uppannacittameva.

Dutiye dantanti nibbisevanaṃ dantahatthiassādisadisaṃ. Imasmiṃ suttadvaye vaṭṭavivaṭṭavasena uppannacittameva kathitaṃ. Yathā cettha, evaṃ ito paresupīti.

Tatiye aguttanti agopitaṃ satisaṃvararahitaṃ aguttahatthiassādisadisaṃ.

Catutthe guttanti gopitaṃ avissaṭṭhasatisaṃvaraṃ guttahatthiassādisadisaṃ.

[35-36] Pañcamachaṭṭhāni arakkhitaṃ rakkhitanti 1- padavasena bujjhanakānaṃ ajjhāsayena vuttāni. Attho panettha purimasadisoyeva.

[37-38] Sattaaṭṭhamesupi eseva nayo. Upamā panettha asaṃvutagharadvārādivasena veditabbā.

[39-40] Navamadasamāni catūhipi padehi yojetvā vuttāni. Imasmiṃ vagge vaṭṭavivaṭṭameva kathitanti.

Adantavaggavaṇṇanā niṭṭhitā.

Catuttho vaggo.

@Footnote: 1 ka. ekameva "arakkhitaṃ"iti padaṃ dissati