๕. อาภาวรรค

15. 5. Ābhāvagga

1. Ābhāsuttavaṇṇanā

Pañcamassa paṭhame ābhāsanavasena candova candābhā. Sesapadesupi eseva nayo.

2-5. Pabhāsuttādivaṇṇanā

[142-145] Dutiyādīsupi pabhāsanavasena candova candappabhā. Ālokanavasena candova candāloko. Obhāsanavasena candova candobhāso. Pajjotanavasena candova candapajjoto. Evaṃ sabbattha padesupi attho veditabbo.

@Footnote: 1 Ma. ananacchavikā, cha. na chekā

6. Paṭhamakālasuttavaṇṇanā

Chaṭṭhe kālāti yuttappayuttakālā. 1- Kālena dhammassavananti yuttappattakāle dhammassavanaṃ. Dhammasākacchāti pañhāpucchanavissajjanavasena pavattā saṃsandanakathā.

7. Dutiyakālasuttavaṇṇanā

Sattame kālāti tasmiṃ tasmiṃ kāle dhammassavanādivasena pavattānaṃ kusaladhammānaṃ etaṃ adhivacanaṃ. Te vibhāvissanti 2- ceva anuparivattissanti 3- ca. Āsavānaṃ khayanti arahattaṃ. Aṭṭhamaṃ uttānameva.

9-10. Sucaritasuttādivaṇṇanā

[149-150] Navame saṇhavācāti 4- mudukavācā. Mantabhāsāti mantasaṅkhātāya paññāya paricchinditvā kathitakathā. Dasame sīlasāroti sārasampāpakaṃ sīlaṃ. Sesesupi eseva nayo.

Ābhāvaggo pañcamo.

Tatiyapaṇṇāsako niṭṭhito.

@Footnote: 1 Ma. yuttappattakālā 2 cha.Ma. te bhāviyanti

@3 cha.Ma. anuparivattiyanti 4 cha.Ma. saṇhā vācāti