๑. สัปปุริสวรรค

๕. ปญฺจมปณฺณาสก

๒๑. ๑. สปฺปุริสวคฺค

๑. สิกฺขาปทสุตฺตวณฺณนา

ปญฺจมสฺส ปฐเม อสปฺปุริสนฺติ ลามกปุริสํ ตุจฺฉปุริสํ มูฬฺหปุริสํ อวิชฺชาย อนฺธีกตํ พหลํ. อสปฺปุริสตรนฺติ อติเรเกน อสปฺปุริสํ. อิตเร เทฺว วุตฺตปฏิปกฺขวเสน เวทิตพฺพา. เสสเมตฺถ อุตฺตานตฺถเมว. ยถา เจตฺถ, เอวํ อิโต ปุเรสุ ปญฺจสุ. เอเตสุ หิ ปฐมํ ปญฺจเวรวเสน เทสิตํ, ทุติยํ อสทฺธมฺมวเสน, ตติยํ กายวจีทฺวารวเสน, จตุตฺถํ มโนทฺวารวเสน, ปญฺจมํ อฏฺฐมิจฺฉตฺตวเสน, ฉฏฺฐํ ทสมิจฺฉตฺตวเสน.

๗-๑๐. ปาปธมฺมสุตฺตจตุกฺกวณฺณนา

[๒๐๗-๒๑๐] สตฺตเม ปาปนฺติ ลามกํ สงฺกิลิฏฺฐปุคฺคลํ. กลฺยาณนฺติ ภทฺทกํ อนวชฺชปุคฺคลํ. เสสเมตฺถ อุตฺตานเมว. อฏฺฐเมปิ เอเสว นโย. นวเม ปาปธมฺมนฺติ ลามกธมฺมํ. กลฺยาณธมฺมนฺติ อนวชฺชธมฺมํ. เสสเมตฺถ อุตฺตานเมว. ทสเมปิ เอเสว นโย. อิมสฺมึ วคฺเค ทสสุปิ สุตฺเตสุ อคาริยปฏิปทา กถิตา. สเจปิ โสตาปนฺน- สกทาคามิโน โหนฺติ, วฏฺฏติเยวาติ.

สปฺปุริสวคฺโค ปฐโม.