๒. โศภนวรรค

22. 2. Parisasobhanavagga

1. Parisāsuttavaṇṇanā

Dutiyassa paṭhame purisaṃ dūsentīti parisadūsanā. Parisaṃ sobhentīti parisasobhanā.

2. Diṭṭhisuttavaṇṇanā

Dutiye manoduccaritapariyāpannāpi micchādiṭṭhi mahāsāvajjatāya visuṃ vuttā, tassā ca paṭipakkhavasena sammādiṭṭhi.

3. Akataññutāsuttavaṇṇanā

Tatiye akataññutā akataveditāti akataññutāya akataveditāya. Ubhayampetaṃ atthato ekameva. Sukkapakkhepi eseva nayo.

4-7. Pāṇātipātīsuttādivaṇṇanā

[214-217] Catutthaṃ catunnaṃ kammakilesānaṃ tappaṭipakkhassa ca vasena vuttaṃ pañcamaṃ sukkapakkhānaṃ ādito catunnaṃ micchattānaṃ vasena, chaṭṭhaṃ avasesānaṃ catunnaṃ, sattamaṃ anariyavohāraariyavohārānaṃ. Tathā aṭṭhamanavamadasamāni sappaṭipakkhānaṃ asaddhammānaṃ vasena vuttāni, sabbasuttesu pana sukkapakkhadhammā lokiyalokuttaramissakāva kathitā. Navasu suttesu kiñcāpi "sagge"ti vuttaṃ, tayo pana maggā tīṇi ca phalāni labbhantiyevāti.

Parisasobhanavaggo dutiyo.