ปปติตสูตร

2. Papatitasuttavaṇṇanā

Dutiye papatitoti cuto. Appapatitoti patiṭṭhito. 4- Tattha lokiyamahājano patitoyeva nāma, sotāpannādayo kilesuppattikkhaṇe patitā nāma. Khīṇāsavo ekantapatiṭṭhito nāma.

@Footnote: 1 Ma. bhavagamanavasena 2 cha.Ma. tayo

@3 cha.Ma. nīyanti 4 cha.Ma. apatito patiṭṭhito

Cutā patantīti ye cutā, te patanti nāma. Patitāti ye patitā, te cutā nāma. Cutattā patitā, patitattā cutāti attho. Giddhāti rāgarattā. Punarāgatāti punajātiṃ punajaraṃ punabyādhiṃ punamaraṇaṃ āgatā nāma honti. Kataṃ kiccanti catūhi maggehi kattabbakiccaṃ kataṃ. Rataṃ rammanti ramitabbayuttake guṇajāte ramitaṃ. Sukhenānvāgataṃ sukhanti sukhena sukhaṃ anuāgataṃ sampattaṃ. Mānusakasukhena dibbasukhaṃ, jhānasukhena vipassanāsukhaṃ, vipassanāsukhena maggasukhaṃ, maggasukhena phalasukhaṃ, phalasukhena nibbānasukhaṃ sampattaṃ adhigatanti attho.