๗. กามสูตร

๗. กามสุตฺตวณฺณนา

สตฺตเม กาเมสุ ลฬิตาติ ๖- วตฺถุกามกิเลสกาเมสุ ลฬิตา อภิรตา. อสิตพฺยาภงฺคินฺติ ติณลายนอสิตญฺเจว ติณวหนกาชญฺจ. กุลปุตฺโตติ อาจารกุล- ปุตฺโต. โอหายาติ ปหาย. อลฺ วจนายาติ ยุตฺตํ วจนาย. ลพฺภาติ สุลภา

@เชิงอรรถ: ๑ สี. สาเยว นิพฺพิชฺฌนโต, ฉ.ม. อตินิวิชฺฌนโต ๒ ก. วาปิ วิปสฺสนา

@๓ ก. สมาปชฺชนภาเวน สทฺธึ ๔ ฉ.ม. ปริยุฏฺฐาย

@๕ ฉ.ม. ปริโยนนฺธิตฺวา ๖ สี. สลาฬิตาติ สกฺกา ลภิตุํ. หีนา กามาติ ปญฺจนฺนํ นีจกุลานํ กามา. มชฺฌิมา กามาติ มชฺฌิมสตฺตานํ กามา. ปณีตา กามาติ ราชราชมหามตฺตานํ กามา. กามาเตฺวว สงฺขํ ๑- คจฺฉนฺตีติ กามนวเสน กาเมตพฺพวเสน จ กามาอิจฺเจว สงฺขํ คจฺฉนฺติ. วุฑฺโฒ โหตีติ มหลฺลโก โหติ. อลํปญฺโญติ ยุตฺตปญฺโญ. อตฺตคุตฺโตติ อตฺตนาว คุตฺโต รกฺขิโต, อตฺตานํ วา โคเปตุํ รกฺขิตุํ สมตฺโถ. นาลํ ปมาทายาติ น ยุตฺโต ปมชฺชิตุํ. สทฺธาย อกตํ โหตีติ ยํ สทฺธาย กุสเลสุ ธมฺเมสุ กาตุํ ยุตฺตํ, ตํ น กตํ โหติ. เสสปเทสุปิ เอเสว นโย. อนเปกฺโข ปนาหํ ภิกฺขเว ตสฺมึ ภิกฺขุสฺมึ โหมีติ เอวํ สทฺธาทีหิ กาตพฺพํ กตฺวาว โสตาปตฺติผเล ปติฏฺฐิเต ตสฺมึ ปุคฺคเล อนเปกฺโข โหมีติ ทสฺเสติ. อิมสฺมึ สุตฺเต โสตาปตฺติมคฺโค กถิโต.