อัฏฐปุคคลสูตร ที่ ๒

[๑๕๐] ๖๐ อฏฺฐิเม ภิกฺขเว ปุคฺคลา อาหุเนยฺยา ฯเปฯ อนุตฺตรํ ปุญฺญกฺเขตฺตํ โลกสฺส ฯ กตเม อฏฺฐ โสตาปนฺโน โสตาปตฺติผลสจฺฉิกิริยาย ปฏิปนฺโน สกทาคามี สกทาคามิผลสจฺฉิกิริยาย ปฏิปนฺโน อนาคามี อนาคามิผลสจฺฉิกิริยาย ปฏิปนฺโน อรหา อรหตฺตาย ปฏิปนฺโน ฯ อิเม โข ภิกฺขเว อฏฺฐ ปุคฺคลา อาหุเนยฺยา ฯเปฯ อนุตฺตรํ ปุญฺญกฺเขตฺตํ โลกสฺสาติ ฯ จตฺตาโร จ ปฏิปนฺนา จตฺตาโร จ ผเล ฐิตา เอส สงฺโฆ สมุกฺกฏฺโฐ สตฺตานํ อฏฺฐ ปุคฺคลา ยชมานานํ มนุสฺสานํ ปุญฺญเปกฺขานปาณินํ กโรตํ โอปธิกํ ปุญฺญํ เอตฺถ ทินฺนํ มหปฺผลนฺติ ฯ สนฺธานวคฺโค ปฐโม ฯ ตสฺสุทฺทานํ โคตมี โอวาทํ สงฺขิตฺตํ ทีฆชาณุญฺจ ๑ อุชฺชโย ภยา เทฺว อาหุเนยฺยา [จ] เทฺว จ อฏฺฐปุคฺคลาติ ฯ ______________ จาลวคฺโค ทุติโย