วัตตสูตร

๑๐. สมฺมาวตฺตนสุตฺตวณฺณนา

ทสเม ปจฺเจกฏฺฐาเนติ อธิปติฏฺฐาเน เชฏฺฐกฏฺฐาเน. ตญฺหิ เชฏฺฐกํ กตฺวา กิญฺจิ สํฆกมฺมํ กาตุํ น ลภติ. น จ เตน มูเลน วุฏฺฐาเปตพฺพนฺติ ๑- ตํ มูลํ กตฺวา อพฺภานวุฏฺฐานกมฺมํ ๒- กาตุํ น ลภติ. เสสํ สพฺพตฺถ อุตฺตานตฺถเมวาติ.

สติวคฺโค นวโม.

๑๐. ๕. สามญฺญวคฺค

อิโต ปรํ อถโข โพชฺฌา อุปาสิกาติอาทีสุ โพชฺฌา อุปาสิกา, สิริมา อุปาสิกา, ปทุมา อุปาสิกา, สุธมฺมา ๓- อุปาสิกา, มนุชา อุปาสิกา, อุตฺตรา อุปาสิกา, มุตฺตา อุปาสิกา, เขมา อุปาสิกา, รุจี อุปาสิกา, จุนฺที ราชกุมารี, พิมฺพี อุปาสิกา, สุมนา ราชกุมารี, มลฺลิกา เทวี, ติสฺสา อุปาสิกา ติสฺสมาตา ๔- อุปาสิกา, โสณา อุปาสิกา, โสณาย มาตา อุปาสิกา, กาณา อุปาสิกา, กาณมาตา อุปาสิกา, อุตฺตรา นนฺทมาตา, วิสาขา มิคารมาตา, ขุชฺชุตฺตรา อุปาสิกา, สามาวตี อุปาสิกา, สุปฺปวาสา โกลิยธีตา, สุปฺปิยา อุปาสิกา, นกุลมาตา คหปตานีติ อิมาสํ เอตฺตกานํ อฏฺฐงฺคสมนฺนาคตํ อุโปสถกมฺมเมว กถิตํ. อิจฺฉนฺเตน วิตฺถาเรตฺวา กเถตพฺพํ. เสสํ สพฺพตฺถ อุตฺตานตฺถเมวาติ.

มโนรถปูรณิยา องฺคุตฺตรนิกายฏฺฐกถาย.

อฏฺฐกนิปาตวณฺณนา นิฏฺฐิตา.

@เชิงอรรถ: ๑ ฉ.ม. วุฏฺฐาเปตพฺโพติ ๒ ฉ.ม. อพฺภานกมฺมํ

@๓ ฉ.ม. สุตนา ๔ สี. ติสฺสาย มาตา