วัตตสูตร

10. Sammāvattanasuttavaṇṇanā

Dasame paccekaṭṭhāneti adhipatiṭṭhāne jeṭṭhakaṭṭhāne. Tañhi jeṭṭhakaṃ katvā kiñci saṃghakammaṃ kātuṃ na labhati. Na ca tena mūlena vuṭṭhāpetabbanti 1- taṃ mūlaṃ katvā abbhānavuṭṭhānakammaṃ 2- kātuṃ na labhati. Sesaṃ sabbattha uttānatthamevāti.

Sativaggo navamo.

10. 5. Sāmaññavagga

Ito paraṃ athakho bojjhā upāsikātiādīsu bojjhā upāsikā, sirimā upāsikā, padumā upāsikā, sudhammā 3- upāsikā, manujā upāsikā, uttarā upāsikā, muttā upāsikā, khemā upāsikā, rucī upāsikā, cundī rājakumārī, bimbī upāsikā, sumanā rājakumārī, mallikā devī, tissā upāsikā tissamātā 4- upāsikā, soṇā upāsikā, soṇāya mātā upāsikā, kāṇā upāsikā, kāṇamātā upāsikā, uttarā nandamātā, visākhā migāramātā, khujjuttarā upāsikā, sāmāvatī upāsikā, suppavāsā koliyadhītā, suppiyā upāsikā, nakulamātā gahapatānīti imāsaṃ ettakānaṃ aṭṭhaṅgasamannāgataṃ uposathakammameva kathitaṃ. Icchantena vitthāretvā kathetabbaṃ. Sesaṃ sabbattha uttānatthamevāti.

Manorathapūraṇiyā aṅguttaranikāyaṭṭhakathāya.

Aṭṭhakanipātavaṇṇanā niṭṭhitā.

@Footnote: 1 cha.Ma. vuṭṭhāpetabboti 2 cha.Ma. abbhānakammaṃ

@3 cha.Ma. sutanā 4 Sī. tissāya mātā