๙. สันธิตเถรคาถา

[๓๐๖] ๙ อสฺสตฺเถ หริโตภาเส สํวิรูฬฺหมฺหิ ปาทเป เอกํ พุทฺธคตํ สญฺญํ อลภิตฺถํ ปติสฺสโต ฯ เอกตฺตึเส อิโต กปฺเป ยํ สญฺญํ อลภึ ตทา ตสฺสา สญฺญาย วาหสา ปตฺโต เม อาสวกฺขโยติ ฯ สนฺธิโต เถโร ฯ อุทฺทานํ กุมารกสฺสโป เถโร ธมฺมปาโล จ พฺรหฺมาลิ โมฆราชา วิสาโข จ จูฬโก จ อนูปโม วชฺชิโต สนฺธิโต เถโร กิเลสรชวาหโนติ ฯ วคฺโค ปญฺจโม ฯ ตถา ทุกนิปาตมฺหิ นวุติ เจว อฏฺฐ จ เถรา เอกูนปญฺญาสํ ภาสิตา นยโกวิทา ฯ ทุกนิปาโต นิฏฺฐิโต ฯ _______________________ เถรคาถาย ติกนิปาโต