๑๒. โกสิยเถรคาถา

|346.370| 12 Yo ve garūnaṃ vacanaññu dhīro vase ca tamhi janayetha pemaṃ so bhattimā nāma ca hoti paṇḍito ñatvā ca dhammesu visesi assa. |346.371| Yaṃ āpadā uppatitā uḷārā nakkhambhayante paṭisaṅkhayantaṃ so thāmavā nāma ca hoti paṇḍito ñatvā ca dhammesu visesi assa. |346.372| Yo ve samuddova ṭhito anejo gambhīrapañño nipuṇatthadassī asaṃhāriko 3- nāma ca hoti paṇḍito ñatvā ca dhammesu visesi assa. |346.373| Bahussuto dhammadharo ca hoti @Footnote: 1 Ma. Yu. bhāvayitvāna . 2 Ma. Yu. parinibbissatyanāsavo . 3 Yu. asaṃhāriyo. Dhammassa hoti anudhammacārī so tādiso nāma ca hoti paṇḍito ñatvā ca dhammesu visesi assa. |346.374| Atthañca yo jānāti bhāsitassa atthañca ñatvāna tathā karoti atthantaro nāma sa hoti paṇḍito ñatvā ca dhammesu visesi assāti. Kosiyo thero. Uddānaṃ rājadatto subhūto ca girimānandasumano vaḍḍho ca kassapo thero gayākassapavakkali vijito yasadatto ca soṇo kosiyasavhayo saṭṭhī ca pañcagāthāyo therā ca ettha dvādasāti. Pañcakanipāto niṭṭhito. -----------------