๔. กุลลเถรคาถา

TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā

[350] |350.393| 4 Kullo sīvathikaṃ gantvā addasaṃ itthimujjhitaṃ @Footnote: 1 Sī. bahvodake. Apaviddhaṃ susānasmiṃ khajjantiṃ kimihī phuṭaṃ. |350.394| Āturaṃ asuciṃ pūtiṃ passa kulla samussayaṃ uggharantaṃ paggharantaṃ bālānaṃ abhinanditaṃ. |350.395| Dhammādāsaṃ gahetvāna ñāṇadassanapattiyā paccavekkhiṃ imaṃ kāyaṃ tucchaṃ santarabāhiraṃ. |350.396| Yathā idaṃ tathā etaṃ yathā etaṃ tathā idaṃ yathā adho tathā uddhaṃ yathā uddhaṃ tathā adho. |350.397| Yathā divā tathā ratti 1- yathā ratti 1- tathā divā yathā pure tathā pacchā yathā pacchā tathā pure. |350.398| Pañcaṅgikena turiyena na rati hoti tādisī yathā ekaggacittassa sammā dhammaṃ vipassatoti. Kullo thero.