๖. สัปปทาสเถรคาถา

|๓๕๒.๔๐๕| ๖ ปณฺณวีสติวสฺสานิ ยโต ปพฺพชิโต อหํ อจฺฉราสงฺฆาตมตฺตมฺปิ เจโตสนฺติมนชฺฌคํ ฯ |๓๕๒.๔๐๖| อลทฺธา จิตฺตสฺเสกคฺคํ กามราเคน อทฺทิโต ๔- พาหา ปคฺคยฺห กนฺทนฺโต วิหารานุปนิกฺขมึ ๕- ฯ |๓๕๒.๔๐๗| สตฺถํ วา อาหริสฺสามิ โก อตฺโถ ชีวิเตน เม กถํ หิ สิกฺขํ ปจฺจกฺขํ กาลํ กุพฺเพถ มาทิโส ฯ |๓๕๒.๔๐๘| ตทาหํ ขุรมาทาย มญฺจกมฺหิ อุปาวิสึ ปรินีโต ขุโร อาสิ ธมนึ เฉตฺตุมตฺตโน ฯ |๓๕๒.๔๐๙| ตโต เม มนสีกาโร โยนิโส อุทปชฺชถ อาทีนโว ปาตุรหุ นิพฺพิทา สมติฏฺฐถ ฯ |๓๕๒.๔๑๐| ตโต จิตฺตํ วิมุจฺจิ เม ปสฺส ธมฺมสุธมฺมตํ @เชิงอรรถ: ๑ ม. ขโณ โว ฯ ๒ สุตฺตนิปาเต ปมาทาติ ปาโฐ ทิสฺสติ ฯ ๓ ยุ. อพฺพเห ฯ @อพฺพูเฬฺหติปิ ปาโฐ ฯ ๔ ม. อฏฺฏิโต ฯ ๕ ม. วิหารา อุปนิกฺขมึ ฯ ติสฺโส วิชฺชา อนุปฺปตฺตา กตํ พุทฺธสฺส สาสนนฺติ ฯ สปฺปทาโส เถโร ฯ