๑. มหากัจจายนเถรคาถา

|366.494| 1 Kammaṃ bahukaṃ na kāraye parivajjeyya janaṃ na uyyame so ussuko rasānugiddho atthaṃ riñcati yo sukhādhivāho. |366.495| Paṅkoti hi naṃ avedayuṃ yāyaṃ vandanapūjanā kulesu sukhumaṃ sallaṃ durubbahaṃ sakkāro kāpurisena dujjaho. |366.496| Na parassupaṇidhāya kammaṃ maccassa pāpakaṃ attanā taṃ na seveyya kammabandhū hi mātiyā. |366.497| Na pare vacanā coro na pare vacanā muni attānañca yathā vedi devāpi naṃ tathā vidū. |366.498| Pare ca na vijānanti mayamettha yamāmhase 1- @Footnote: 1 Ma. Yu. yamāmase. Ye ca tattha vijānanti tato sammanti medhagā. |366.499| Jīvatevāpi sappañño api vittaparikkhayā 1- paññāya ca alābhena vittavāpi na jīvati. |366.500| Sabbaṃ suṇāti sotena sabbaṃ passati cakkhunā na ca diṭṭhaṃ sutaṃ dhīro sabbaṃ ujjhitumarahati. |366.501| Cakkhumassa yathā andho sotavā badhiro yathā paññāvassa yathā mūgo balavā dubbaloriva atha atthe samuppanne sayetha matasāyikanti. Mahākaccāyano thero.