๓. สีหาเถรีคาถา

|441.77| 3 Ayonisomanasikārā kāmarāgena addhitā 5- ahosiṃ uddhaṭā pubbe citte avasavattinī. |441.78| Pariyuṭṭhitā kilesehi sukhasaññānuvattinī 6- samaṃ cittassa nālabhiṃ rāgacittavasānugā. @Footnote: 1 Ma. chaḷabhiññā. 2 Yu. bālālapanaṃ. 3 Ma. Yu. voḍḍiya. 4 Yu. vidaṃsentī. @ 5 Ma. aṭṭitā. Yu. additā. 6 Ma. subhasaññā .... |441.79| Kisā paṇḍu vivaṇṇā ca satta vassāni cārihaṃ nāhaṃ divā vā rattiṃ vā sukhaṃ vindiṃ sudukkhitā. |441.80| Tato rajjuṃ gahetvāna pāvisiṃ vanamantaraṃ varamme idha ubbandhaṃ yañca hīnaṃ punācare. |441.81| Daḷhapāsaṃ karitvāna rukkhasākhāya bandhiya pakkhipiṃ pāsaṃ gīvāyaṃ atha cittaṃ vimucci me. Sīhā.