๖. มิตตกาลีเถรีคาถา

|444.92| 6 Saddhāya pabbajitvāna agārasmā anagāriyaṃ vicarihaṃ tena tena lābhasakkāraussukā. |444.93| Riñcitvā paramaṃ atthaṃ hīnamatthaṃ asevihaṃ kilesānaṃ vasaṃ gantvā sāmaññatthaṃ nirajjihaṃ 2- . |444.94| Tassā me ahu saṃvego nisinnāya vihārake ummaggapaṭipannamhi taṇhāya vasamāgatā. |444.95| Appakaṃ jīvitaṃ mayhaṃ jarā byādhi ca maddati purāyaṃ bhijjati kāyo na me kālo pamajjituṃ. |444.96| Yathābhūtamavekkhantī khandhānaṃ udayabbayaṃ vimuttacittā uṭṭhāsiṃ kataṃ buddhassa sāsanaṃ. Mittakālī 3- . @Footnote: 1 Ma. aṭṭitā. Yu. additā. 2 Ma. na bujjhihaṃ. 3 Ma. mittākāḷī.