๘. โสณาเถรีคาถา

TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā

[446] |446.102| 8 Dasa putte vijāyitvā asmiṃ rūpasamussaye tatohaṃ dubbalā jiṇṇā bhikkhuniṃ upasaṅkamiṃ. |446.103| Sā me dhammamadesesi khandhāyatanadhātuyo tassā dhammaṃ suṇitvāna kese chetvāna pabbajiṃ. |446.104| Tassā me sikkhamānāya dibbacakkhuṃ visodhitaṃ pubbenivāsaṃ jānāmi yattha me vusitaṃ pure. |446.105| Animittañca bhāvemi ekaggā susamāhitā anantarāvimokkhāsiṃ anupādāya nibbutā. |446.106| Pañcakkhandhā pariññātā tiṭṭhanti chinnamūlakā Dhi tavatthu jare jamme natthidāni punabbhavo. Soṇā.