๑. ปโรสตชาดก

๑๑ ปโรสตวคฺควณฺณนา

๑ ปโรสตชาตกํ

ปโรสตํ เวปิ สมาคตานํ

ฌาเยยฺยุ เต วสฺสสตํ อปญฺญา

เอโกว เสยฺโย ปุริโส สปญฺโญ

โย ภาสิตสฺส วิชานาติ อตฺถนฺติ อิทํ ชาตกํ วตฺถุโต จ เวยฺยากรณโต จ สโมธานโต จ ปโรสหสฺสชาตกสทิสเมว ฯ เกวลํ เหตฺถ ฌาเยยฺยุนฺติ ปทมตฺตเมว วิเสโส ฯ ตสฺสตฺโถ วสฺสสตํปิ อปฺปญฺญา ฌาเยยฺยุํ โอโลเกยฺยุํ อุปธาเรยฺยุํ เอวํ โอโลเกนฺตาปิ ปน อตฺถํ วา การณํ วา น ปสฺสนฺติ ตสฺมา โย ภาสิตสฺส อตฺถํ ชานาติ โส เอโกว สปฺปญฺโญ เสยฺโยติ ฯ

ปโรสตชาตกํ ปฐมํ ฯ