๘. กุกกุฏชาดก

Sucittapattachādana 1- tambacūḷa vihaṅgama oroha dumasākhāya mudhā bhariyā bhavāmi te.

Catuppadī tvaṃ kalyāṇi dvipadāhaṃ manorame migī pakkhī asaṃyuttā 2- aññaṃ pariyesa sāmikaṃ.

Komārikā te hessāmi mañjukā piyabhāṇinī vinda maṃ ariyena vedena kalyāṇiṃ brahmacāriniṃ 3- .

Kuṇapādi 4- lohitape cori kukkuṭapothini na tvaṃ ariyena vedena mamaṃ bhattāramicchasi.

Evampicāturā 5- nārī disvāna pavaraṃ 6- naraṃ nenti saṇhāhi vācāhi viḷārī viya kukkuṭaṃ.

Yo ca uppatitaṃ atthaṃ na khippamanubujjhati amittavasamanveti pacchā ca anutappati.

Yo ca uppatitaṃ atthaṃ khippameva nibodhati @Footnote: 1 Ma. sucittapattachadana. 2 Ma. asaññuttā. 3 Sī. Ma. sāvaya maṃ yadicchasi. @ 4 Sī. sakuṇakhādini. Ma. kuṇapādini. 5 Ma. evampi caturā. 6 Sī. Ma. sadhanaṃ. Muccate sattusambādhā kukkuṭova viḷāriyāti. Kukkuṭajātakaṃ aṭṭhamaṃ.