๘. อัฏฐิเสนชาดก

[๑๐๒๑] เยเม อหํ น ชานามิ อฏฺฐิเสน วนิพฺพเก เต มํ สงฺคมฺม ยาจนฺติ กสฺมา มํ ตฺวํ น ยาจสิ ฯ

[๑๐๒๒] ยาจโก อปฺปิโย โหติ ยาจํ อททมปฺปิโย ตสฺมาหนฺตํ น ยาจามิ มา เม วิทฺเทสฺสนา อหุ ฯ

[๑๐๒๓] โย จ ๒ ยาจนชีวาโน กาเล ยาจํ น ยาจติ ปรญฺจ ปุญฺญํ ๓ ธํเสติ อตฺตนาปิ น ชีวติ ฯ

[๑๐๒๔] โย จ ยาจนชีวาโน กาเล ยาจํปิ ๔ ยาจติ ปรญฺจ ปุญฺญํ ลพฺเภติ อตฺตนาปิ จ ชีวติ ฯ

[๑๐๒๕] น เว ทุสฺสนฺติ ๕ สปฺปญฺญา ทิสฺวา ยาจกมาคเต พฺรหฺมจารี ปิโย เมสิ วร ภญฺญิตมิจฺฉสิ ๖ ฯ

[๑๐๒๖] น เว ยาจนฺติ สปฺปญฺญา ธีโร จ วิทิตุมรหติ อุทฺทิสฺส อริยา ติฏฺฐนฺติ เอสา อริยาน ยาจนา ฯ

[๑๐๒๗] ททามิ เต พฺราหฺมณ โรหิณีนํ ควํ สหสฺสํ สห ปุงฺคเวน อริโย หิ อริยสฺส กถํ น ทชฺชา สุตฺวาน คาถา ตว ธมฺมยุตฺตาติ ฯ อฏฺฐิเสนชาตกํ ๑ อฏฺฐมํ ฯ #๑ ม. อฏฺฐิเสนกชาตกํ ฯ ๒ ม. โย เว ฯ ๓ ม. ปุญฺญา ฯ ๔ ม. ยาจํ หิ ฯ #๕ ม. เทสฺสนฺติ ฯ สี. ยุ. ทิสฺสนฺติ ฯ ๖ สี. วร ตํ ภญฺญมีจฺฉสิ ฯ ม. วท ตฺวํ #ภญฺญมิจฺฉสิ ฯ ๙ กปิชาตกํ