๑. คันธารชาดก

Hitvā gāmasahassāni paripuṇṇāni soḷasa koṭṭhāgārāni phītāni sannidhindāni kubbasi.

Hitvā gandhāravisayaṃ pahūtadhanapāniyaṃ 1- pasāsanito 2- nikkhanto idhadāni pasāsasi.

Dhammaṃ bhaṇāmi vedeha adhammo me na ruccati dhammaṃ me bhaṇamānassa na pāpamupalimpati.

Yenakenaci vaṇṇena paro labhati ruppanaṃ mahatthiyampi ce vācaṃ na taṃ bhāseyya paṇḍito.

Kāmaṃ ruppatu vā mā vā bhūsaṃ vā vikiriyyatu dhammaṃ me bhaṇamānassa na pāpamupalimpati.

No ce assa sakā buddhi vinayo vā susikkhito vane andhamahiṃsova 3- careyya bahuko jano.

Yasmā ca panidhekacce āceramhi 4- susikkhitā tasmā vinītavinayā dhīrā 5- caranti susamāhitāti. Gandhārajātakaṃ paṭhamaṃ. --------- @Footnote: 1 Sī. Yu. pahutadhanadhāniyaṃ. Ma. pahūtadhanadhāriyaṃ . 2 Ma. pasāsanato. @ 3 Sī. Yu. andhamahiso va . 4 Sī. Yu. ācāramhi . 5 Ma. Yu. ayaṃ pāṭho natthi.