๘. ธูมการีชาดก

Rājā apucchi vidhūraṃ dhammakāmo yudhiṭṭhilo api brāhmaṇa jānāsi ko eko bahu socati.

Brāhmaṇo ajayūthena bahutendo 1- vane vasaṃ dhūmaṃ akāsi vāseṭṭho rattindivamatandito.

Tassa taṃdhūmagandhena sarabhā makasadditā 2- vassāvāsaṃ upagacchuṃ dhūmakārissa santike.

Sarabhesu manaṃ katvā ajā so nāvabujjhatha āgacchanti vajanti vā tassa tā vinasuṃ 3- ajā.

Sarabhā sarade kāle pahīnamakase vane pāviṃsu giriduggāni nadīnaṃ pabhavāni ca.

Sarabhe ca gate disvā ajā ca vibhavaṃ gatā kīso ca vivaṇṇo āsi paṇḍurogī ca brāhmaṇo.

Evaṃ yo sanniraṅkatvā āgantuṃ kurute piyaṃ so eko bahu socati dhūmakārīva brāhmaṇoti. Dhūmakārijātakaṃ aṭṭhamaṃ. @Footnote: 1 Sī. bahutejo. Ma. bahūtejo . 2 Yu. makasaṭṭitā . 3 Sī. vinassuṃ.