๗. อินทริยชาดก

Yo indriyānaṃ kāmena vasaṃ nārada gacchati so pariccajjubho loke jīvantopi 3- visussati.

Sukhassānantaraṃ dukkhaṃ dukkhassānantaraṃ sukhaṃ sopi patto sukhadukkhaṃ pāṭikaṅkha varaṃ sukhaṃ. @Footnote: 1 Sī. Ma. isinā satto . 2 Sī. Ma. patvapariyāyaṃ . 3 Ma. jīvantova.

Kicchakāle kicchasaho yo kicchaṃ nātivattati sa kicchantaṃ sukhaṃ dhīro yogaṃ samadhigacchati.

Na heva kāmānaṃ kāmā nānatthā natthakāraṇā na katañca niraṅkatvā dhammā cavitumarahasi.

Dakkhaṃ gahapataṃ 1- sādhu saṃvibhajjañca bhojanaṃ ahāso atthalābhesu atthabyāpatti abyatho.

Ettāvatetaṃ paṇḍiccaṃ asito 2- devilo bravi nayito kiñci pāpiyo [3]- indriyānaṃ vasaṃ vaje.

Amittānaṃva hatthatthaṃ sīvi pappoti māmiva kammaṃ vijjañca dakkheyyaṃ vivāhaṃ sīlamaddavaṃ ete ca yase hāpetvā nibbatto sehi kammehi.

Sohaṃ sahassajīnova abandhu aparāyano ariyadhammā apakkanto yathā peto tathevahaṃ.

Sukhakāme dukkhāpetvā āpannosmi padaṃ imaṃ so sukhaṃ nādhigacchāmi ṭhito 4- bhāṇumahimivāti 5- . Indriyajātakaṃ sattamaṃ.