๙. อัฏฐานชาดก

Gaṅgā kumudinī santā saṅkhavaṇṇā ca kokilā jambu tālaphalaṃ dajjā atha nūna tadā siyā.

Yadā kacchapalomānaṃ pāvāro tividho siyā hemantikaṃ pāpuraṇaṃ 1- atha nūna tadā siyā.

Yadā makasapādānaṃ 2- aṭṭālo sukato siyā daḷho ca avikampī 3- ca atha nūna tadā siyā.

Yadā sasavisāṇānaṃ nisseṇi sukatā siyā saggassārohaṇatthāya atha nūna tadā siyā.

Yadā nissenimāruyha candaṃ khādeyyu mūsikā rāhuñca paribāheyyuṃ 4- atha nūna tadā siyā.

Yadā surāghaṭaṃ pitvā makkhikā gaṇacārinī @Footnote: 1 Ma. pāvuraṇaṃ . 2 Sī. Yu. makasadāṭhānaṃ . 3 Sī. Yu. akampica. @ 4 Sī. paripādeyyuṃ. Ma. paripāteyyuṃ. Aṅgāre vāsaṃ kappeyyuṃ atha nūna tadā siyā.

Yadā bimboṭṭhasampanno gadrabho sumukho siyā kusalo naccagītassa atha nūna tadā siyā.

Yadā kākā ulūkā ca mantayeyyuṃ rahogatā aññamaññaṃ pihayeyyuṃ atha nūna tadā siyā.

Yadā mūlāsapattānaṃ 1- chattaṃ thirataraṃ siyā vassassa paṭighātāya atha nūna tadā siyā.

Yadā kuluko 2- sakuṇo pabbataṃ gandhamādanaṃ tuṇḍenādāya gaccheyya atha nūna tadā siyā.

Yadā sāmuddikaṃ nāvaṃ sayantaṃ savaṭākaraṃ ceto ādāya gaccheyya atha nūna tadā siyāti. Aṭṭhānajātakaṃ navamaṃ.