๖. ปทกุศลมาณวชาดก

Bahussutaṃ cittakathaṃ gaṅgā vahati pāṭaliṃ 8- @Footnote: 1 Sī. Yu. ādu . 2 Sī. Yu. sādhucintanī . 3 Ma. uppannāyaṃ. @ 4 Ma. rāgo vaṇṇavidūsano tava . 5 Ma. taṃ pajaha bhaddamatthu te . 6 Ma. andhakārake. @ 7 Ma. checchaṃ. evamuparipi . 8 Sī. Yu. pāṭalaṃ. Vuyhamānaka bhaddante ekaṃ me dehi gāthakaṃ.

Yena siñcanti dukkhitaṃ yena siñcanti āturaṃ tassa majjhe marissāmi jātaṃ saraṇato bhayaṃ.

Yattha vījāni rūhanti sattā yattha patiṭṭhitā sā me sīsaṃ nipīḷeti jātaṃ saraṇato bhayaṃ.

Yena bhattāni paccanti sītaṃ yena vihaññati so maṃ ḍahati gattāni jātaṃ saraṇato bhayaṃ.

Yena bhattena 1- yāpenti puthū brāhmaṇakhattiyā so maṃ bhutto byāpādi jātaṃ saraṇato bhayaṃ.

Gimhānaṃ pacchime māse vātamicchanti paṇḍitā so maṃ bhañjati gattāni jātaṃ saraṇato bhayaṃ.

Yaṃ nissitā jagatiruhaṃ (vihaṅgamā) svāyaṃ aggiṃ pamuñcati disā bhajatha vaṅkaṅgā jātaṃ saraṇato bhayaṃ.

Yamānayiṃ somanassaṃ māliniṃ candanussadaṃ sā maṃ gharā nīharati 2- jātaṃ saraṇato bhayaṃ.

Yena jātena nandissaṃ yassa ca bhavamicchisaṃ so maṃ gharā nīharati 2- jātaṃ saraṇato bhayaṃ.

Suṇantu me jānapadā negamā ca samāgatā yatodakaṃ tadādittaṃ yato khemaṃ tato bhayaṃ @Footnote: 1 Ma. bhuttena . 2 Sī. Ma. nicchubhati. Rājā vilumpate raṭṭhaṃ brāhmaṇo ca purohito attaguttā viharatha jātaṃ saraṇato bhayanti. Padakusalamāṇavajātakaṃ chaṭṭhaṃ.