๔. จุลลนารทกัสสปชาดก

น เต กฏฺฐานิ ภินฺนานิ น เต อุทกมาภตํ อคฺคิปิ เต น หาสิโต ๔ กินฺนุ มนฺโทว ฌายสิ ฯ

น อุสฺสเห วเน วตฺถุํ กสฺสปามนฺตยามิ ตํ ทุกฺโข วาโส อรญฺญสฺมึ รฏฺฐํ อิจฺฉามิ คนฺตเว ฯ

ยถา อหํ อิโต คนฺตฺวา ยสฺมึ ชนปเท วสํ อาจารํ พฺรเหฺม สิกฺเขยฺย ตํ ธมฺมํ อนุสาส มํ ฯ

สเจ อรญฺญํ หิตฺวาน วนมูลผลานิ จ รฏฺเฐ โรจยเส วาสํ ตํ ธมฺมํ นิสาเมหิ เม ฯ

วิสํ มา ปฏิเสวิตฺถ ๕ ปปาตํ ปริวชฺชย ปงฺเก จ มา วิสีทิตฺโถ ยตฺโต อาสีวิเส ๖ จเร ฯ

กินฺนุ วิสํ ปปาโต วา ปงฺโก วา พฺรหฺมจารินํ กํ ตฺวํ อาสีวิสํ พฺรูหิ ตํ เม อกฺขาหิ ปุจฺฉิโต ฯ

อาสโว ตาต โลกสฺมึ สุรา นาม ปวุจฺจติ มนุญฺญา ๗ สุรภี วคฺคู มธุขุทฺทรสูปมา ๘ วิสํ ตทาหุ อริยา [๙] พฺรหฺมจริยสฺส นารท ฯ #๑ ม. จาปิ ฯ ๒ ม. จ ฯ ๓ ม. จูฬนารทชาตกํ ฯ ๔ ม. หาปิโต ฯ #๕ ม. ปฏิเสวิตฺโถ ฯ ๖ ม. จาสีวิเส ฯ ๗ ม. มนุญฺโญ ฯ ๘ ม. สาทุ -- ฯ #๙ ม. เส ฯ

อิตฺถิโย ตาต โลกสฺมึ ปมตฺตํ ปมเถนฺติ ตา ผรนฺติ มุนิโน ๑ จิตฺตํ ตูลํ ภฏฺฐํว มาลุโต ปปาโต เอส อกฺขาโต พฺรหฺมจริยสฺส นารท ฯ

ลาโภ สิโลโก สกฺกาโร ปูชา ปรกุเลสุ จ ปงฺโก เอโสว ๒ อกฺขาโต พฺรหฺมจริยสฺส นารท ฯ

มหนฺตา ๓ ตาต ราชาโน อาวสนฺติ มหึ อิมํ เต ตาทิเส มนุสฺสินฺเท มหนฺเต ตาต นารท ฯ

อิสฺสรานํ อธิปตีนํ น เตสํ ปาทโต จเร อาสีวิโสติ ๔ อกฺขาโต พฺรหฺมจริยสฺส นารท ฯ

ภตฺตตฺโถ ภตฺตกาเล จ ยํ เคหํ อุปสงฺกเม ยเทตฺถ กุสลํ ชญฺญา ตตฺถ ฆาเสสนํ จเร ฯ ปวิสิตฺวา ปรกุลํ ปานตฺโถ ๕ โภชนาย วา มิตํ ขาเท มิตํ ภุญฺเช น จ รูเป มนํ กเร ฯ

คุฏฺฐํ มชฺชํ กิราสญฺจ ๖ สภานิกิรณานิ ๗ จ อารกา ปริวชฺเชหิ ยานีว วิสมํ ปถนฺติ ฯ จุลฺลนารทกสฺสปชาตกํ จตุตฺถํ ฯ ____________ #๑ ม. หรนฺติ ยุวิโน ฯ ๒ ม. เอโส จ ฯ ๓ ม. มหตฺตา ฯ ๔ สี. ยุ. #อาสีวิโส โส ฯ ๕ ม. ปานตฺถํ ฯ ๖ ม. โคฏฺฐํ มชฺชํ กิราฏญฺจ ฯ #๗ สภาธิ. กรณานีติปิ ฯ