๒. จันทกินนรชาดก

[๑๘๘๓] อุปนียติทํ มญฺเญ จนฺเท โลหิตมทฺทเน ๒ อชฺชาปิ ๓ วิชหามิ ชีวิตํ ปาณา เม จนฺเท นิรุชฺฌนฺติ ฯ โอสธิ ๔ เม ทุกฺขํ หทยํ เม ฑยฺหเต นิตมฺมามิ ตว จนฺทิยา โสจนฺติยา น นํ อญฺเญหิ โสเกหิ ฯ ติณมิว วนมิว มิลายามิ นที อปริปุณฺณาว ๕ สุสฺสามิ ตว จนฺทิยา โสจนฺติยา น นํ อญฺเญหิ โสเกหิ ฯ วสฺสมิว สเร ปาเท อิมานิ อสฺสูนิ วตฺตเร มยฺหํ ตว จนฺทิยา โสจนฺติยา น นํ อญฺเญหิ โสเกหิ ฯ

[๑๘๘๔] ปาโป โข ๖ ราชปุตฺโต โย เม อิจฺฉิตปตึ วรากิยา วิชฺฌิ วนมูลสฺมึ โสยํ วิทฺโธ ฉมา เสติ ฯ อิมํ มยฺหํ หทยโสกํ ปฏิมุญฺจตุ ราชปุตฺต ตว มาตา #๑ ม. จนฺทกินฺนรีชาตกํ ฯ ๒ สี. ยุ. โลหิตมเทน มชฺชามิ วิชหามิ ชีวิตํ ปาณา ฯ #๓ ม. อชฺช ฯ ๔ ม. โอสีทิ ฯ ๕ สี. ยุ. อปริปุณฺณิยาว ฯ ๖ ม. โขสิ ฯ โย มยฺหํ หทยโสโก กึปุริสํ อเวกฺขมานาย ฯ อิมํ มยฺหํ หทยโสกํ ปฏิมุญฺจตุ ราชปุตฺต ตว ชายา โย มยฺหํ หทยโสโก กึปุริสํ อเวกฺขมานาย ฯ มา จ ปุตฺตํ ๑ มา จ ปตึ อทฺทกฺขิ ราชปุตฺต ตว มาตา โย กึปุริสํ อวธิ อทูสกํ มยฺหํ กามาหิ ฯ มา จ ปุตฺตํ มา จ ปตึ อทฺทกฺขิ ราชปุตฺต ตว ชายา โย กึปุริสํ อวธิ อทูสกํ มยฺหํ กามาหิ ฯ

[๑๘๘๕] มา ตฺวํ จนฺเท โรทิ มา โสจิ วนติมิรมตฺตกฺขิ มม ตฺวํ เหหิสิ ภริยา ราชกุเล ปูชิตา นารีภิ ฯ

[๑๘๘๖] อปิ นูนาหํ มริสฺสํ นาหํ ราชปุตฺต ตว เหสฺสํ โย กึปุริสํ อวธิ อทูสกํ มยฺหํ กามาหิ ฯ

[๑๘๘๗] อปิ ภีรุเก อปิ ชีวิตุกามิเก กึปุริสี คจฺฉ หิมวนฺตํ ตาลิสตคฺครโภชนา ๒ อญฺเญ ตํ มิคา รมิสฺสนฺติ ฯ

[๑๘๘๘] เต ปพฺพตา ตา จ กนฺทรา ตา จ คิริคุหาโย

[๓] ตตฺถ ๔ ตํ อปสฺสนฺตี กึปุริส กถํ อหํ กาสํ ๕ ฯ เยสุ ปพฺพเตสุ มยํ เอกโต อภิรมิมฺหา ตตฺถ ตํ อปสฺสนฺตี กึปุริส กถํ อหํ กาสํ ๖ ฯ เต ปณฺณสนฺถตา รมณียา วาฬมิเคหิ อนุจิณฺณา ตตฺถ ตํ อปสฺสนฺตี กึปุริส กถํ อหํ กาสํ ฯ #๑ สี. ยุ. ปุตฺเต ฯ ๒ สี. ยุ. ตาลิสฺสตคฺครโภชเน ฯ ๓ ม. ตเถว ติฏฺฐนฺติ ฯ #๔ ม. ตตฺเถว ฯ เอวมุปริปิ ฯ ๕ ม. กสฺสํ ฯ เอวมุปริปิ ฯ ๖ อยํ คาถา #สพฺพโปตฺถเกสุ น ทิสฺสติ อฏฺฐกถายํ ปน ทิสฺสติ ฯ เต ปุปฺผสนฺถตา รมณียา วาฬมิเคหิ อนุจิณฺณา ตตฺถ ตํ อปสฺสนฺตี กึปุริส กถํ อหํ กาสํ ๑ ฯ อจฺฉา สวนฺตี คิริวนนทิโย กุสุมาภิกิณฺณโสตาโย ตตฺถ ตํ อปสฺสนฺตี กึปุริส กถํ อหํ กาสํ ฯ นีลานิ หิมวโต ปพฺพตสฺส กูฏานิ ทสฺสนียานิ ๒ ตตฺถ ตํ อปสฺสนฺตี กึปุริส กถํ อหํ กาสํ ฯ ปีตานิ หิมวโต ปพฺพตสฺส กูฏานิ ทสฺสนียานิ ตตฺถ ตํ อปสฺสนฺตี กึปุริส กถํ อหํ กาสํ ฯ ตมฺพานิ หิมวโต ปพฺพตสฺส กูฏานิ ทสฺสนียานิ ตตฺถ ตํ อปสฺสนฺตี กึปุริส กถํ อหํ กาสํ ฯ ตุงฺคานิ หิมวโต ปพฺพตสฺส กูฏานิ ทสฺสนียานิ ตตฺถ ตํ อปสฺสนฺตี กึปุริส กถํ อหํ กาสํ ฯ เสตานิ หิมวโต ปพฺพตสฺส กูฏานิ ทสฺสนียานิl ตตฺถ ตํ อปสฺสนฺตี กึปุริส กถํ อหํ กาสํ ฯ จิตฺรานิ หิมวโต ปพฺพตสฺส กูฏานิ ทสฺสนียานิ ตตฺถ ตํ อปสฺสนฺตี กึปุริส กถํ อหํ กาสํ ฯ ยกฺขคณเสวิเต คนฺธมาทเน โอสเธหิ สญฺฉนฺเน ตตฺถ ตํ อปสฺสนฺตี กึปุริส กถํ อหํ กาสํ ฯ กึปุริสเสวิเต คนฺธมาทเน โอสเธหิ สญฺฉนฺเน #๑ อยํ คาถา สพฺพโปตฺถเกสุ ทิสฺสติ อฏฺฐกถายํ ปน น ทิสฺสติ ฯ ๒ สี. ยุ. #ทสฺสเนยฺยานิ ฯ เอวมุปริปิ ฯ ตตฺถ ตํ อปสฺสนฺตี กึปุริส กถํ อหํ กาสํ ฯ

[๑๘๘๙] วนฺเท เต (ปาเท) อยิรพฺรหฺเม โย เม อิจฺฉิตํ ปตึ วรากิยา อมเตน อภิสิญฺจิ สมาคตสฺมึ ๑ ปิยตเมน ฯ

[๑๘๙๐] วิจรามทานิ คิริวนนทิโย กุสุมาภิกิณฺณโสตาโย นานาทุมวสนาโย ปิยํวทา อญฺญมญฺญสฺสาติ ฯ จนฺทกินฺนรชาตกํ ทุติยํ ___________ ๓ มหาอุกฺกุสชาตกํ