๖. พักกุลเถราปทาน (๓๙๖)

[๓๙๘] |๓๙๘.๓๙๐| หิมวนฺตสฺสวิทูเร โสภิโต นาม ปพฺพโต อสฺสโม สุกโต มยฺหํ สกสิสฺเสหิ มาปิโต ฯ |๓๙๘.๓๙๑| มณฺฑปา จ พหู ตตฺถ ปุปฺผิตา สินฺทุวาริตา ๒- กปิฏฺฐา ๓- จ พหู ตตฺถ จมฺปกา ๔- นาคเกตกา ฯ |๓๙๘.๓๙๒| นิคุณฺฑิโย พหู ตตฺถ พทรามลกาปิ ๕- จ ผารุสกา อลาพู จ ปุณฺฑรีกา จ ปุปฺผิตา ฯ @เชิงอรรถ: ๑ โป. สจฺฉิกตา ฯ ๒ ม. ยุ. สินฺทุวารกา ฯ ๓ ยุ. กปิฏฺฐํ จ พหุํ ตตฺถ ฯ @ ๔ ม. ยุ. ปุปฺผิตา ชีวชีวกา ฯ ๕ ม. ยุ. พทรามลกานิ จ ฯ |๓๙๘.๓๙๓| อฬกฺกา เพลุวา ตตฺถ กทลี มาตุลุงฺคกา มหานามา พหู ตตฺถ อชฺชุนา จ ปิยงฺคุกา ฯ |๓๙๘.๓๙๔| โกสุมฺภา ๑- สลฬา นีปา นิโคฺรธา จ กปิฏฺฐนา เอทิโส อสฺสโม มยฺหํ สสิสฺโสหํ ตหึ ๒- วสึ ฯ |๓๙๘.๓๙๕| อโนมทสฺสี ภควา สยมฺภู โลกนายโก คเวสํ ปฏิสลฺลานํ มมสฺสมํ อุปาคมิ ฯ |๓๙๘.๓๙๖| อุเปตญฺจ ๓- มหาวีรํ อโนมทสฺสึ มหายสํ ขเณน โลกนาถสฺส วาตาพาโธ สมุฏฺฐหิ ฯ |๓๙๘.๓๙๗| วิจรนฺโต อรญฺญมฺหิ อทฺทสํ โลกนายกํ อุปคนฺตฺวาน สมฺพุทฺธํ จกฺขุมนฺตํ มหายสํ ฯ |๓๙๘.๓๙๘| อิริยาปถญฺจ ๔- ทิสฺวาน อุปลกฺเขสหํ ตทา นิสฺสํสยํ ๕- หิ พุทฺธสฺส พฺยาธิโน อุปปชฺชถ ฯ |๓๙๘.๓๙๙| ขิปฺปํ อสฺสมมาคญฺฉึ มม สิสฺสาน สนฺติเก เภสชฺชํ กตฺตุกาโมหํ สิสฺสํ ๖- อามนฺตยึ ตทา ฯ |๓๙๘.๔๐๐| ปฏิสุณิตฺวาน เม วากฺยํ สิสฺสา สพฺเพ สคารวา เอกชฺฌํ สนฺนิปตึสุ สตฺถุ คารวตา มม ฯ |๓๙๘.๔๐๑| ขิปฺปํ ปพฺพตมารุยฺห สพฺโพสถมกาสหํ ๗- ปานียโยคํ กตฺวาน พุทฺธเสฏฺฐสฺสทาสหํ ฯ |๓๙๘.๔๐๒| ปริภุตฺเต ๘- มหาวีเร สพฺพญฺญุโลกนายเก ขิปฺปํ วาโต วูปสมิ สุคตสฺส มเหสิโน ฯ @เชิงอรรถ: ๑ ม. โกสมฺพา สลฬา นิมฺพา ฯ ๒ ตทา ฯ ๓ ม. อุเปตมฺหิ มหาวีเร อโนมทสฺสิมหายเส ฯ @ ๔ ม. ยุ. อิริยญฺจาปิ ทิสฺวาน ฯ ๕ ม. ยุ. อสํสยํ ฯ ๖ ม. ยุ. สิสฺเส ฯ @ ๗ ม. สพฺโพสธมหาสหํ ฯ ๘ ยุ. ปริภุตฺโต มหาวีโร สพฺพญฺญุโลกนายโก ฯ |๓๙๘.๔๐๓| ปสฺสทฺธํ ทรถํ ทิสฺวา อโนมทสฺสี มหายโส สกาสเน นิสีทิตฺวา อิมา คาถา อภาสถ ฯ |๓๙๘.๔๐๔| โย เม อทาสิ ๑- เภสชฺชํ พฺยาธิญฺจ สมยี ๒- มม ตมหํ กิตฺตยิสฺสามิ สุณาถ มม ภาสโต ฯ |๓๙๘.๔๐๕| กปฺปสตสหสฺสานิ เทวโลเก รมิสฺสติ วาทิเต ตูริเย ตตฺถ โมทิสฺสติ สทา อยํ ฯ |๓๙๘.๔๐๖| มนุสฺสโลกมาคนฺตฺวา สุกฺกมูเลน โจทิโต สหสฺสกฺขตฺตุํ ราชาปิ จกฺกวตฺติ ภวิสฺสติ ฯ |๓๙๘.๔๐๗| ปญฺจปญฺญาสกปฺปมฺหิ อโนมิ ๓- นาม ขตฺติโย จาตุรนฺโต วิชิตาวี ชมฺพูทีปสฺส ๔- อิสฺสโร ฯ |๓๙๘.๔๐๘| สตฺตรตนสมฺปนฺโน จกฺกวตฺติ มหพฺพโล ตาวตึเสหิ ๕- โขเภตฺวา อิสฺสรํ การยิสฺสติ ฯ |๓๙๘.๔๐๙| เทวภูโต มนุสฺโส วา อปฺปาพาโธ ภวิสฺสติ ปริทาหํ ๖- วิวชฺเชตฺวา พฺยาธึ โลเก ตริสฺสติ ฯ |๓๙๘.๔๑๐| อปริเมยฺเย อิโต กปฺเป โอกฺกากกุลสมฺภโว โคตโม นาม นาเมน ๗- สตฺถา โลเก ภวิสฺสติ ฯ |๓๙๘.๔๑๑| ตสฺส ธมฺเมสุ ทายาโท โอรโส ธมฺมนิมฺมิโต สพฺพาสเว ปริญฺญาย นิพฺพายิสฺสตินาสโว ฯ |๓๙๘.๔๑๒| กิเลเส ฌาปยิตฺวาน ตณฺหาโสตํ ตริสฺสติ พกฺกุโล ๘- นาม นาเมน เหสฺสติ สตฺถุสาวโก ฯ @เชิงอรรถ: ๑ ม. ยุ. ปาทาสิ ฯ ๒ ยุ. สมยี มยี ฯ ๓ ม. อโนโม ... ฯ ยุ. อโนม ... ฯ @ ๔ ม. ชมฺพุมณฺฑสฺส ฯ ยุ. ชมฺพุสณฺฑสฺส ฯ ๕ ม. ตาวตึเสปิ ฯ ยุ. ตาวตึเสโต ฯ @ ๖ ม. ยุ. ปริคฺคหํ ฯ ๗ ม. โคตฺเตน ฯ ๘ ม. พาลุโก ฯ สพฺพตฺถ อีทิสเมว ฯ |๓๙๘.๔๑๓| อิทํ สพฺพํ อภิญฺญาย โคตโม สกฺยปุงฺคโว ภิกฺขุสงฺเฆ นิสีทิตฺวา เอตทคฺเค ฐเปสฺสติ ฯ |๓๙๘.๔๑๔| อโนมทสฺสี ภควา สยมฺภู โลกนายโก วิเวกมนุโลเกนฺโต มมสฺสมํ อุปาคมิ ฯ |๓๙๘.๔๑๕| อุปาคตํ มหาวีรํ สพฺพญฺญุํ โลกนายกํ สพฺโพสเถน ตปฺเปสึ ปสนฺโน เสหิ ปาณิภิ ฯ |๓๙๘.๔๑๖| ตสฺส เม สุกตํ กมฺมํ สุเขตฺเต พีชสมฺปทา เขเปตุํ เนว สกฺโกมิ ตทา หิ สุกตํ มม ฯ |๓๙๘.๔๑๗| ลาภา มม สุลทฺธํ เม โยหํ อทฺทกฺขิ นายกํ เตน กมฺมาวเสเสน ปตฺโตมฺหิ อจลํ ปทํ ฯ |๓๙๘.๔๑๘| สพฺพเมตํ อภิญฺญาย โคตโม สกฺยปุงฺคโว ภิกฺขุสงฺเฆ นิสีทิตฺวา เอตทคฺเค ฐเปสิ มํ ฯ |๓๙๘.๔๑๙| อปริเมยฺเย อิโต กปฺเป ยํ กมฺมมกรึ ตทา ทุคฺคตึ นาภิชานามิ เภสชฺชสฺส อิทํ ผลํ ฯ |๓๙๘.๔๒๐| กิเลสา ฌาปิตา มยฺหํ ภวา สพฺเพ สมูหตา สพฺพาสวปริกฺขีโณ ๑- นตฺถิทานิ ปุนพฺภโว ฯ |๓๙๘.๔๒๑| สฺวาคตํ วต เม อาสิ มม พุทฺธสฺส สนฺติเก ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ |๓๙๘.๔๒๒| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ @เชิงอรรถ: ๑ ม. ... ปริกฺขีณา ฯ อิตฺถํ สุทํ อายสฺมา พกฺกุโล เถโร อิมา คาถาโย อภาสิตฺถาติ ฯ พกฺกุลตฺเถรสฺส อปทานํ สมตฺตํ ฯ