กรุณากถา

๓. กรุณากถาวณฺณนา

[๘๐๗-๘๐๘] อิทานิ กรุณากถา นาม โหติ. ตตฺถ ปิยายิตานํ วตฺถูนํ วิปตฺติยา สราคานํ ราควเสน กรุณาปฏิรูปิกํ ปวตฺตึ ทิสฺวา "ราโคว กรุณา นาม, โส จ ภควโต นตฺถิ, ตสฺมา นตฺถิ พุทฺธสฺส ภควโต กรุณา"ติ เยสํ ลทฺธิ เสยฺยถาปิ อุตฺตราปถกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส. อถ นํ "กรุณา นาเมสา นิกฺกิเลสตาย เจว สตฺตารมฺมณตาย จ เจโตวิมุตฺติตาย จ เอกาทสานิสํสตาย จ เมตฺตาทีหิ สมานชาติกา, ตสฺมา ยทิ

@เชิงอรรถ: ๑ ฉ.ม. เทสนํ ภควโต กรุณา นตฺถิ, เมตฺตาทโยปิ ตสฺส น สิยุนฺ"ติ โจเทตุํ นตฺถิ พุทฺธสฺส ภควโต เมตฺตาติอาทิมาห. อการุณิโกติ ปเญฺห ตถารูปํ โวหารํ อปสฺสนฺโต ปฏิกฺขิปติ. เสสเมตฺถ อุตฺตานตฺถเมวาติ.

กรุณากถาวณฺณนา นิฏฺฐิตา.