อัพยากตกถา

๘. อพฺยากตกถาวณฺณนา

[๙๐๑-๙๐๒] อิทานิ อพฺยากตกถา นาม โหติ. ตตฺถ "อตฺเถสา ภิกฺขเว เจตนา, สา จ โข อพฺโพหาริกา"ติ ๓- วจนโต "สพฺพํ สุปินคตสฺส จิตฺตํ อพฺยากตนฺ"ติ เยสํ ลทฺธิ เสยฺยถาปิ เอกจฺจานํ อุตฺตราปถกานญฺเญว, เต สนฺธาย ปุจฺฉา สกวาทิสฺส, ปฏิญฺญา อิตรสฺส. เสสเมตฺถ ยถาปาลิเมว นิยฺยาติ. สุปินคตสฺส จิตฺตํ อพฺโพหาริกนฺติ อิทํ อาปตฺตึ สนฺธาย วุตฺตํ. สุปินคตสฺส หิ ปาณาติปาตาทิวเสน กิญฺจาปิ อกุสลจิตฺตํ ปวตฺตติ, วตฺถุวิโกปนํ ปน นตฺถีติ น สกฺกา ตตฺถ อาปตฺตึ ปญฺญเปตุํ. อิมินา การเณน ตํ อพฺโพหาริกํ, น อพฺยากตนฺติ. ๔-

อพฺยากตกถาวณฺณนา นิฏฺฐิตา.

@เชิงอรรถ: ๑ ฉ.ม. อรหตฺตปฺปตฺตึ ๒ ฉ.ม. ลทฺธิโย

@๓ วินย. ๑/๒๓๕/๑๖๙ ๔ ฉ.ม. น อพฺยากตตฺตาติ