คิหิสส อรหาติกถา

๔. จตุตฺถวคฺค

๑. คิหิสฺสอรหาติกถาวณฺณนา

อิทานิ คิหิสฺส อรหาติกถา นาม โหติ. ตตฺถ เยสํ ยสกุลปุตฺตาทีนํ คิหิพฺยญฺชเน ฐิตานํ อรหตฺตุปฺปตฺตึ ๑- ทิสฺวา "คิหิ อสฺส อรหา"ติ ลทฺธิ เสยฺยถาปิ เอตรหิ อุตฺตราปถกานํ, เต สนฺธาย ปุจฺฉา สกวาทิสฺส. ตตฺถ คิหิสฺสาติ โย คิหิสญฺโญชนสมฺปยุตฺตตาย คิหิ, โส อรหํ อสฺสาติ อตฺโถ. ปรวาที ปน อธิปฺปายํ อสลฺลกฺเขตฺวา คิหิพฺยญฺชนมตฺตเมว ปสฺสนฺโต ปฏิชานาติ. อิทานิสฺส "คิหิ นาม คิหิสญฺโญชเนน โหติ, น พฺยญฺชนมตฺเตน. ยถาห ภควา:-

`อลงฺกโต เจปิ สมํ จเรยฺย

สนฺโต ทนฺโต นิยโต พฺรหฺมจารี

สพฺเพสุ ภูเตสุ นิธาย ทณฺฑํ

โส พฺราหฺมโณ โส สมโณ ส ภิกฺขู"ติ ๒- อิมํ นยํ ทสฺเสตุํ อตฺถิ อรหโตติอาทิ อารทฺธํ. ตํ สพฺพํ อุตฺตานตฺถเมวาติ.

คิหิสฺสอรหาติกถาวณฺณนา นิฏฺฐิตา.