ปฏิจจวาร

[๑๐๔] เหตุญฺเจวสเหตุกญฺจ ธมฺมํ ปฏิจฺจ เหตุเจวสเหตุโกจ ธมฺโม อุปฺปชฺชติ เหตุปจฺจยา: อโลภํ ปฏิจฺจ อโทโส อโมโห ฯ จกฺกํ พนฺธิตพฺพํ ฯ โลภํ ปฏิจฺจ โมโห ฯ จกฺกํ พนฺธิตพฺพํ ฯ ปฏิสนฺธิกฺขเณ อโลภํ ปฏิจฺจ อโทโส อโมโห ฯ จกฺกํ พนฺธิตพฺพํ ฯ เหตุญฺเจวสเหตุกญฺจ ธมฺมํ ปฏิจฺจ สเหตุโกเจวนจเหตุ ธมฺโม อุปฺปชฺชติ เหตุปจฺจยา: เหตุํ ปฏิจฺจ สมฺปยุตฺตกา ขนฺธา ปฏิสนฺธิกฺขเณ ... ฯ เหตุญฺเจวสเหตุกญฺจ ธมฺมํ ปฏิจฺจ เหตุเจวสเหตุโกจ สเหตุโกเจวนจเหตุ จ ธมฺมา อุปฺปชฺชนฺติ เหตุปจฺจยา: อโลภํ ปฏิจฺจ อโทโส อโมโห สมฺปยุตฺตกา จ ขนฺธา ฯ จกฺกํ พนฺธิตพฺพํ ฯ โลภํ ปฏิจฺจ โมโห สมฺปยุตฺตกา จ ขนฺธา ฯ จกฺกํ พนฺธิตพฺพํ ฯ ปฏิสนฺธิกฺขเณ ... ฯ สเหตุกญฺเจวนจเหตุํ ธมฺมํ ปฏิจฺจ สเหตุโกเจวนจเหตุ ธมฺโม อุปฺปชฺชติ เหตุปจฺจยา: สเหตุกญฺจนจเหตุํ เอกํ ขนฺธํ ปฏิจฺจ ตโย ขนฺธา เทฺว ขนฺเธ ... ปฏิสนฺธิกฺขเณ ... ฯ สเหตุกญฺเจวนจเหตุํ ธมฺมํ ปฏิจฺจ เหตุเจวสเหตุโกจ ธมฺโม อุปฺปชฺชติ เหตุปจฺจยา: สเหตุเกเจวนจเหตู ขนฺเธ ปฏิจฺจ เหตุ ปฏิสนฺธิกฺขเณ ... ฯ สเหตุกญฺเจวนจเหตุํ ธมฺมํ ปฏิจฺจ เหตุเจวสเหตุโกจ สเหตุโกเจวนจเหตุ จ ธมฺมา อุปฺปชฺชนฺติ เหตุปจฺจยา: สเหตุกญฺเจวนจเหตุํ เอกํ ขนฺธํ ปฏิจฺจ ตโย ขนฺธา เหตุ จ เทฺว ขนฺเธ ... ปฏิสนฺธิกฺขเณ ... ฯ เหตุญฺเจวสเหตุกญฺจ สเหตุกญฺเจวนจเหตุญฺจ ธมฺมํ ปฏิจฺจ เหตุเจวสเหตุโกจ ธมฺโม อุปฺปชฺชติ เหตุปจฺจยา: อโลภญฺจ สมฺปยุตฺตเก จ ขนฺเธ ปฏิจฺจ อโทโส อโมโห ฯ จกฺกํ พนฺธิตพฺพํ ฯ โลภญฺจ สมฺปยุตฺตเก จ ขนฺเธ ปฏิจฺจ โมโห ฯ จกฺกํ พนฺธิตพฺพํ ฯ ปฏิสนฺธิกฺขเณ ... ฯ เหตุญฺเจวสเหตุกญฺจ สเหตุกญฺเจวนจเหตุญฺจ ธมฺมํ ปฏิจฺจ สเหตุโกเจวนจเหตุ ธมฺโม อุปฺปชฺชติ เหตุปจฺจยา: สเหตุกญฺเจวนจเหตุํ เอกํ ขนฺธญฺจ เหตุญฺจ ปฏิจฺจ ตโย ขนฺธา เทฺว ขนฺเธ ... ปฏิสนฺธิกฺขเณ ... ฯ เหตุญฺเจวสเหตุกญฺจ สเหตุกญฺเจวนจเหตุญฺจ ธมฺมํ ปฏิจฺจ เหตุเจวสเหตุโกจ สเหตุโกเจวนจเหตุ จ ธมฺมา อุปฺปชฺชนฺติ เหตุปจฺจยา: สเหตุกญฺเจวนจเหตุํ เอกํ ขนฺธญฺจ อโลภญฺจ ปฏิจฺจ ตโย ขนฺธา อโทโส อโมโห จ เทฺว ขนฺเธ ... ปฏิสนฺธิกฺขเณ ... ฯ สงฺขิตฺตํ ฯ เอวํ วิตฺถาเรตพฺพํ ฯ

[๑๐๕] เหตุยา นว อารมฺมเณ นว อธิปติยา นว อนนฺตเร นว ฯ สงฺขิตฺตํ ฯ สพฺพตฺถ นว อวิคเต นว ฯ เอวํ คเณตพฺพํ ฯ อนุโลมํ นิฏฺฐิตํ ฯ

[๑๐๖] เหตุญฺเจวสเหตุกญฺจ ธมฺมํ ปฏิจฺจ เหตุเจวสเหตุโกจ ธมฺโม อุปฺปชฺชติ นอธิปติปจฺจยา: อโลภํ ปฏิจฺจ อโทโส อโมโห ฯ จกฺกํ พนฺธิตพฺพํ ฯ ปฏิสนฺธิกฺขเณ ... ฯ ปริปุณฺณํ นว ฯ นปุเรชาตปจฺจยา: นว ฯ นปจฺฉาชาตปจฺจยา: นว ฯ นอาเสวนปจฺจยา: นว ฯ

[๑๐๗] เหตุญฺเจวสเหตุกญฺจ ธมฺมํ ปฏิจฺจ สเหตุโกเจวนจเหตุ ธมฺโม อุปฺปชฺชติ นกมฺมปจฺจยา: เหตุํ ปฏิจฺจ สมฺปยุตฺตกา เจตนา ฯ สเหตุกญฺเจวนจเหตุํ ธมฺมํ ปฏิจฺจ สเหตุโกเจวนจเหตุ ธมฺโม อุปฺปชฺชติ นกมฺมปจฺจยา: สเหตุเกเจวนจเหตู ขนฺเธ ปฏิจฺจ สมฺปยุตฺตกา เจตนา ฯ เหตุญฺเจวสเหตุกญฺจ สเหตุกญฺเจวนจเหตุญฺจ ธมฺมํ ปฏิจฺจ สเหตุโกเจวนจเหตุ ธมฺโม อุปฺปชฺชติ นกมฺมปจฺจยา: เหตุญฺจ สมฺปยุตฺตเก จ ขนฺเธ ปฏิจฺจ สมฺปยุตฺตกา เจตนา ฯ นวิปากปจฺจยา: นวิปฺปยุตฺตปจฺจยา: ฯ

[๑๐๘] นอธิปติยา นว นปุเรชาเต นว นปจฺฉาชาเต นว นอาเสวเน นว นกมฺเม ตีณิ นวิปาเก นว นวิปฺปยุตฺเต นว ฯ เอวํ คเณตพฺพํ ฯ ปจฺจนียํ นิฏฺฐิตํ ฯ

[๑๐๙] เหตุปจฺจยา นอธิปติยา นว ... นปุเรชาเต นว นปจฺฉาชาเต นว นอาเสวเน นว นกมฺเม ตีณิ นวิปาเก นว นวิปฺปยุตฺเต นว เอวํ คเณตพฺพํ ฯ อนุโลมปจฺจนียํ นิฏฺฐิตํ ฯ

[๑๑๐] นอธิปติปจฺจยา เหตุยา นว ... อารมฺมเณ นว อนนฺตเร นว ฯ สงฺขิตฺตํ ฯ ... อวิคเต นว ฯ เอวํ คเณตพฺพํ ฯ ปจฺจนียานุโลมํ นิฏฺฐิตํ ฯ สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิโส ฯ ปญฺหาวาโร